Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Korinito 16:1-24

16  O lenei, o faaputugātupe+ mo le ʻaupaia+ e pei ona ou faatonu atu i faapotopotoga i Kalatia,+ ia faapea foʻi ona outou faia.  O aso muamua uma o le vaiaso, ia taʻitoʻatasi outou i lona fale ma tuu ese se mea e tusa ma mea ua ia maua, ina ia aua neʻi aoina ni tupe pe a ou alu atu.  Pe a ou taunuu atu i inā, o tane uma lava ua outou faamaonia i tusi+ na outou tusi mai ai, ou te aauina atu i latou e momoli la outou meaalofa i Ierusalema.  Peitaʻi, afai e talafeagai ona ou alu atu foʻi i inā, ona matou ō atu faatasi lea ma i latou.  Ae ou te alu atu iā te outou pe a ou ui ane i Maketonia, auā ou te ui ane lava i Maketonia;+  atonu tatou te nonofo ma outou, po ou te nofo foʻi seʻia uma le tau mālūlū, ina ia outou momoli*+ iā te aʻu i le mea ou te malaga i ai.  Auā ou te lē manaʻo e tau ina afe atu iā te outou i laʻu malaga, ae ou te faamoemoe e nonofo ma outou+ mo se taimi umi, pe afai e finagalo+ i ai Ieova.+  Peitaʻi, ou te nofo pea i Efeso+ seʻia oo i le tausamiga o le Penetekoso;  auā ua faaavanoa mai iā te aʻu se faitotoʻa lautele e fai ai le galuega,+ ae e toʻatele foʻi tagata e tetee mai. 10  Ae peitaʻi, afai e taunuu atu Timoteo,+ ia vaai neʻi nofo o ia ma le fefe iā te outou, auā o loo faia e ia le galuega a Ieova,+ e pei foʻi o aʻu. 11  O lea la, ia aua lava neʻi vaai maulalo se tasi iā te ia.+ Ia momoli mai* o ia ma le saogalemu ina ia oo mai iā te aʻu, auā o loo matou faatali atu ma le ʻauuso iā te ia. 12  A o Apolo+ lo tatou uso, na ou ʻaiʻoi iā te ia ina ia ō atu faatasi ma uso, pe a asiasi atu iā te outou, e leʻi manaʻo o ia e alu atu i le taimi nei; ae e alu atu pe a maua sona avanoa. 13  Ia mataala,+ ia tutū mausalī i le faatuatua,+ ia faatamatane,+ ma ia faamalolosi.+ 14  Ia faia a outou mea uma lava i le alofa.+ 15  Ua ou apoapoaʻi atu iā te outou le ʻauuso e: ua outou iloa o le aiga o Setefana o i latou na o uluaʻi soo*+ i Akaia, ma na filifili i latou lava e auauna i le ʻaupaia.+ 16  Ia outou gauaʻi atu pea iā i latou na, atoa ma tagata uma e lagolagosua ma tautigā i galuega.+ 17  Peitaʻi, ua ou fiafia ona ua faatasi mai Setefana,+ ma Fotunato, ma Akaiko, auā e ui ina outou lē iai, a ua telē sa latou fesoasoani iā te aʻu. 18  Auā ua latou faamalosi i loʻu agaga*+ ma o outou agaga. O le mea lea ia outou talisapaia ai tane faapena.+   19  O loo alolofa atu faapotopotoga o i Asia iā te outou. O loo alolofa tele atu+ foʻi Akula ma Piseka,* ma le faapotopotoga o loo i lo la fale+ iā te outou o soo o le Alii. 20  O loo alolofa atu foʻi uso uma iā te outou. Ia alofa atu le tasi i le isi i le sogi paia.+ 21  O aʻu o Paulo, ua ou tusia e aʻu lava+ oʻu alofaaga. 22  Pe afai e lē alofa faapelepele se tasi i le Alii, ia malaia o ia.+ Lo matou Alii e, ia e afio mai!+ 23  Tau ina ia iā te outou le agalelei faifua o le Alii o Iesu. 24  Ia iā te outou uma foʻi o ē o autasi ma Keriso Iesu loʻu alofa.

Faamatalaga Pito i Lalo

Pe e “momoli iā te aʻu i se vaega o le auala.”
Pe “ia momoli mai o ia i se vaega o le auala.”
I le gagana Eleni, o “uluaʻi fua i Akaia.”
Tagaʻi le Faaopoopoga e 5.
O lē ua igoa foʻi iā “Pisila.”