Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Korinito 15:1-58

15  O lenei le ʻauuso e, ou te faailoa atu iā te outou+ le tala lelei+ na ou folafola atu, lea foʻi na outou talia ma tutumau ai.+  O lenei tala lelei na outou faalogo ai mai iā te aʻu, e faaolaina+ ai outou pe afai e tou te taofimau i ai, auā a leai, ua lē aogā la le avea o outou ma ē e talitonu.+  Ua ou faailoa atu iā te outou se tasi o mea muamua lea foʻi na ou mauaina+ e faapea, na maliu Keriso mo a tatou agasala e tusa ai ma Tusitusiga Paia;+  ma na tanu+ o ia ma toe faatūina+ mai i le aso lona tolu+ e tusa ai ma Tusitusiga Paia;+  ma na faaali atu o ia iā Kefa,+ ona sosoo ai lea ma le toʻasefulu lua.+  Ina ua mavae lenā, ona faaali atu lea o ia i le ʻauuso pe ā ma le toʻalima selau, o le toʻatele o i latou o loo ola pea,+ ae o nisi ua maliliu.*  Ona faaali atu foʻi lea o ia iā Iakopo,+ ona sosoo ai lea ma le ʻauaposetolo uma;+  mulimuli ane, na faaali mai o ia iā te aʻu,+ e peiseaʻī o se tama fanau lē au.  O aʻu o lē e aupito faatauvaa+ o le ʻauaposetolo, ma e lē tatau ona taʻua aʻu o se aposetolo, auā na ou sauā+ i le faapotopotoga a le Atua. 10  Ae ona o le agalelei faifua+ o le Atua, ua ou faapenei ai. E leʻi maʻimau+ lona agalelei faifua iā te aʻu, auā na sili atu ona ou galue malosi nai lo o i latou uma,+ peitaʻi e lē o aʻu, a o le agalelei faifua o le Atua o loo iā te aʻu.+ 11  E tusa lava po o aʻu po o i latou, ae na matou talaʻi atu ma na outou talitonu i ai.+ 12  Afai ua talaʻia Keriso ua toe faatūina mai i le oti,+ e faapefea la ona fai mai nisi o outou e leai se toetū o ē ua oti?+ 13  Afai e moni e leai se toetū o ē ua oti, e leʻi toe faatūina mai la Keriso.+ 14  Ae afai e leʻi toetū mai Keriso, ua iʻuvale la matou talaʻiga, ma ua iʻuvale foʻi lo matou faatuatua.+ 15  Ua fai foʻi i matou ma molimau pepelo i le Atua,+ auā ua matou molimau+ pepelo i le Atua e faapea, ua ia toe faatūina mai le Keriso,+ ae peitaʻi na te leʻi faatūina o ia pe afai e moni e lē toe faatūina mai o ē ua oti.+ 16  Auā afai e lē toe faatutūina mai o ē ua oti, e leʻi toe faatūina mai foʻi la Keriso. 17  O lenei, afai e leʻi toe faatūina mai Keriso, ua lē aogā foʻi la lo outou faatuatua; ma ua outou agasala pea.+ 18  O le mea moni, ua fano+ i latou o ē ua oti* o autasi+ ma Keriso. 19  Afai e na o le olaga nei e tatou te faamoemoe ai iā Keriso,+ e sili la ona pagatia i tatou nai lo o tagata uma. 20  Ae peitaʻi, o lenei ua toe faatūina Keriso mai i ē ua oti,+ o lē na muamua*+ faatūina mai i ē ua oti.*+ 21  Auā ua oo mai le oti+ ona o le tagata, ua toe faatutūina+ foʻi o ē ua oti ona o le tagata. 22  Auā e pei ona oti uma lava iā Atamu,+ e faapena foʻi ona toe faaolaina uma lava e ala i le Keriso.+ 23  Ae e taʻitoʻatasi ma lona lava tulaga: e muamua lava Keriso,*+ ona sosoo lea ma soo o Keriso i le taimi o lona faatasi mai.+ 24  Ona oo ai lea i le iʻuga, e tuuina atu ai e ia le malo i le Atua lona Tamā, pe a uma ona ia faaumatia malo uma, ma pule, ma ē malolosi uma.+ 25  Auā e tatau ona pule o ia o se tupu seʻia tuuina e le Atua fili uma i lalo o ona vae.+ 26  Ona faaumatia lea o le fili mulimuli, o le oti lea.+ 27  Auā “ua tuuina e le Atua o mea uma i lalo o ona vae.”+ Ae ina ua ia fai mai ‘ua tuuina i lalo mea uma iā te ia,’+ ua faaalia ai e lē o aofia ai lē na ia tuuina i lalo o mea uma iā te ia.+ 28  Ae peitaʻi, pe a tuuina i lalo o mea uma iā te ia,+ ona tuuina i lalo foʻi lea e le Alo o ia lava i Lē+ na tuuina i lalo o mea uma iā te ia, ina ia pule aoao le Atua i le aoao o mea.+ 29  Auā a leai, o le ā se mea e faataunuuina e i latou ua papatisoina ina ia avea ma tagata oti?+ Pe afai e lē toe faatutūina ē ua oti,+ aiseā la ua papatisoina+ ai i latou ina ia avea ma tagata oti? 30  Aiseā foʻi ua lamatia ai o matou ola i taimi uma?+ 31  O aso uma ou te fesagaʻi ai ma le oti.+ Le ʻauuso e, ou te faamautinoa atu lenā mea, i le olioli+ lea ua iā te aʻu ona o outou iā Keriso Iesu lo tatou Alii. 32  Pe afai na ou tau ma manufeʻai i Efeso+ e pei ona faia e isi, po o le ā se aogā iā te aʻu? Afai e lē toe faatutūina mai o ē ua oti, “seʻi o tatou aai la ma inu auā o a taeao e tatou te feoti ai.”+ 33  Aua neʻi faasesēina outou. O aumea leaga e faaleagaina ai mea lelei ua masani ai tagata.+ 34  Inā ala mai ia+ i le amiotonu, ma aua le faia pea le agasala, auā ua lē iloa e nisi le Atua.+ Ua ou fai atu nei mea ina ia māsiasi ai outou.+ 35  Ae a faapea mai se tasi: “E faapefea ona toe faatutūina mai o ē ua oti? Ioe, e faapeʻī tino latou te ō mai ai?”+ 36  O oe le tagata lē malamalama! O le mea e te lūlū e lē ola mai seʻi vaganā ua pala*+ muamua; 37  ma o le mea ua e lūlū, e te leʻi lūlūina le tino e ola mai, a o le fatu,+ atonu o le saito po o se tasi lava mea; 38  ae e avane i ai e le Atua se tino+ e pei ona ia finagalo i ai,+ ma e tofu le fatu ma lona lava tino. 39  E lē o tino uma e tutusa, auā e ese le tino o tagata, e ese le tino o povi, e ese foʻi tino o manufelelei, ma e ese foʻi tino o iʻa.+ 40  E iai tino faalelagi+ ma tino faalelalolagi;+ ae e ese le mamalu+ o tino faalelagi, e ese foʻi le mamalu o tino faalelalolagi. 41  E ese le pupula o le lā,+ e ese le pupula o le masina,+ e ese foʻi le pupula o fetu;+ o le mea moni, e eseese pupula o lea fetu ma lea fetu. 42  E faapena foʻi le toetutū mai o ē ua oti.+ Ua lūlūina le tino e pala, a ua toe faatūina mai i le tino e lē pala.+ 43  Ua lūlūina le tino e iʻuvale,+ a ua toe faatūina mai i le tino e mamalu.+ Ua lūlūina le tino e vaivai,+ a ua toe faatūina mai i le tino e malosi.+ 44  Ua lūlūina i le tino faaletino,+ a ua toe faatūina mai i le tino faaleagaga.+ Afai e iai le tino faaletino, e iai foʻi le tino faaleagaga. 45  Ua tusia e faapea: “Na avea le tagata muamua o Atamu, ma tagata ola.”+ Ae na avea le Atamu mulimuli ma agaga+ e foaʻi mai ai le ola.+ 46  Ae peitaʻi, e lē muamua le faaleagaga, a o le faaletino, ona mulimuli ai lea o le faaleagaga.+ 47  O le tagata muamua, e mai i le eleele ma na faia mai i le efuefu;+ o le tagata lona lua, e mai i le lagi.+ 48  E pei ona faia le tasi mai i le efuefu,+ e faapena foʻi i latou ua faia mai i le efuefu;+ ma e pei ona iai o lē e faalelagi, e faapena foʻi i latou e faalelagi.+ 49  E pei ona faia i tatou i foliga+ o lē na faia mai i le efuefu, e faapena foʻi ona foliga+ i tatou i lē e faalelagi. 50  Ae ou te fai atu iā te outou uso e, e lē mafai ona fai le malo o le Atua+ ma tofi o i latou ua iai tino aano ma toto, e lē mafai foʻi e mea ua pala ona maua le tofi o mea e lē pala.+ 51  Faauta! ou te taʻu atu iā te outou se mea lilo paia: E lē momoe i tatou uma i le oti, ae e suia i tatou uma,+ 52  e vave lava e pei o le emo o le mata, i le taimi e ili ai le pū mulimuli. Auā e ilia le pū,+ ona toetutū mai ai lea o ē ua oti ma tino e lē pala, ma e suia i tatou. 53  O le tino e pala, e suia lea i le tino e lē pala,+ ma o le tino e mafai ona oti,+ e suia foʻi i le tino e lē mafai ona oti. 54  Ae pe a suia le tino e pala i le tino e lē pala, ma o le tino e mafai ona oti e suia foʻi i le tino e lē mafai ona oti, ona taunuu ai lea o le upu ua tusia: “E faaumatia le oti+ e faavavau.”+ 55  “Le oti e, o fea o iai lou manumalo? Le oti e, o fea o iai lou tui?”+ 56  O le tui+ e iʻu i le oti o le agasala lea, a o le malosi o le agasala ua i le Tulafono lea.+ 57  Ae e faafetai i le Atua, ona ua ia aumaia iā i tatou le manumalo e ala i lo tatou Alii o Iesu Keriso!+ 58  O le mea lea oʻu uso pele e, ia outou tutumau,+ ia mausalī, ma ia tele pea mea e fai i le galuega a le Alii,+ ma le iloa e lē iʻuvale a outou galuega fitā+ i le Alii.

Faamatalaga Pito i Lalo

I le gagana Eleni, “ua momoe nisi (i le oti).”
I le gagana Eleni, “o ē ua momoe (i le oti).”
I le gagana Eleni, “o ia o le uluaʻi fua.”
I le gagana Eleni, “o ē ua momoe (i le oti).”
I le gagana Eleni, “o ia o le uluaʻi fua.”
Pe “seʻi vaganā ua pē muamua.”