Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Korinito 13:1-13

13  Afai ou te tautala i gagana+ a tagata atoa ma agelu ae e leai soʻu alofa, ua avea aʻu ma ʻapamemea taalili po o se sumepalo*+ paʻō leotele.  Afai foʻi ua iā te aʻu le meaalofa e fai ai valoaga,+ ma ua ou masani i mea lilo paia+ uma ma le poto+ uma lava, ma pe a iā te aʻu foʻi le faatuatua e siitia ai mauga,+ ae e leai soʻu alofa, ua ou lē aogā.+  Afai foʻi ou te avatu aʻu mea uma e fafaga ai isi,+ ma afai ou te foaʻiina atu loʻu tino ia oti,+ ina ia ou mimita ai, ae e leai soʻu alofa,+ e leai se aogā iā te aʻu.  E faapalepale+ ma e agalelei+ le alofa.+ E lē lotoleaga+ le alofa, e lē gugutu,+ e lē faafefeteina,+  e lē amio valea,+ e lē saʻili mo lona lava lelei,+ e lē itaitagofie.+ E lē faitauina mea leaga e fai atu iā te ia.+  E lē fiafia i le amiolētonu,+ ae e fiafia i le mea moni.+  E onosaʻi i mea uma,+ e talitonu i mea uma,+ e faamoemoe i mea uma,+ e tumau i mea uma.+  E lē uma le alofa.+ Ae afai e iai meaalofa e fai ai valoaga, o le a faalēaogāina ia; pe e tautala i gagana eseese, o le a mavae ia; pe e iai le poto, o le a faalēaogāina lea.+  Auā e lē atoatoa lo tatou poto,+ ma e lē atoatoa foʻi a tatou valoaga;+ 10  ae a taunuu mai le mea atoatoa,+ ona faalēaogāina lea o le mea e lē atoatoa. 11  A o oʻu laʻitiiti, sa ou tautala faatamaitiiti, mafaufau faatamaitiiti, ma manatunatu faatamaitiiti; a o lenei ua ou tagata matua,+ ua ou lē toe amio faatamaitiiti. 12  Auā i le taimi nei, o loo tatou vaavaai atu i se faata nenefu,+ ae o le a manino lava.*+ I le taimi nei, e lē atoa loʻu iloa, ae i le lumanaʻi, o le a ou iloa lelei ai e pei ona iloa lelei ai aʻu e le Atua.+ 13  A o lenei, e tumau nei mea e tolu, o le faatuatua, o le faamoemoe, ma le alofa; a o le aupito sili o nei mea, o le alofa lea.+

Faamatalaga Pito i Lalo

O le “sumepalo” o se meafaifaaili e lapotopoto, ma e tagitagi pe a faafetoʻai le tasi i le isi.
I le gagana Eleni, “o le a tatou fesagaʻi.”