Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Korinito 11:1-34

11  Ia faaaʻoaʻo iā te aʻu, e pei ona ou faaaʻoaʻo iā Keriso.+  Ou te faamālō atu auā ua outou mafaufau mai iā te aʻu i mea uma lava, ma ua outou tausia mea uma lava+ e pei ona ou tuuina atu iā te outou.  Ae ou te manaʻo ina ia outou iloa, o le ulu o tane taʻitoʻatasi uma o Keriso;+ o le ulu o le fafine o le tane;+ a o le ulu o Keriso o le Atua.+  O so o se tane e tatalo ma faia valoaga a o ufiufi lona ulu, ua faamāina e ia lona ulu;+  ae o se fafine e tatalo pe na te faia valoaga+ ae e lē ufiufia lona ulu,+ ua faamāina e ia lona ulu auā e pei lava ia o se fafine ua sele mamā lona ulu.*+  Afai e lē ufiufia e se fafine lona ulu, ia ʻoti pupuu; ae afai e faalumaina se fafine pe a ʻoti pupuu pe sele mamā lona ulu,+ ia ufiufi la lona ulu.+  E lē tatau i se tane ona ufiufia lona ulu, auā o ia o le faatusa+ ma le mamalu+ o le Atua; a o le fafine, o le mamalu lea o le tane.+  Auā o le tane e lē mai i le fafine, a o le fafine e mai i le tane ia;+  ma e leʻi foafoaina foʻi le tane ona o le fafine, a o le fafine na foafoaina ona o le tane.+ 10  O le mea lea e tatau ai i le fafine ona ufiufi lona ulu+ e fai ma faailoga o lona gauaʻi i lana tane, ona o agelu.+ 11  E tusa ma faatulagaga a le Alii, e leai se fafine pe ana lē seanoa le tane, e leai foʻi se tane pe ana lē seanoa le fafine.+ 12  Auā e pei lava ona maua le fafine mai i le tane,+ e faapea foʻi le tane e ala i le fafine;+ a o mea uma lava e mai i le Atua.+ 13  Ia filifili outou lava: Pe e talafeagai i se fafine ona tatalo i le Atua ae e lē ufiufia lona ulu? 14  Po ua lē aʻoaʻoina ea outou i mea e masani ai e faapea, e faalumaina se tane pe a uumi lona lauulu; 15  ae afai e uumi le lauulu o se fafine, e faamamaluina+ ai o ia? Auā ua foaʻi mai lona lauulu, ae e leʻi foaʻi mai se ufiufi.+ 16  Peitaʻi, afai e finau+ mai se tasi i se isi tū,+ e leai se tū faapea o iā i matou, atoa ma faapotopotoga uma a le Atua. 17  Ae peitaʻi, a o oʻu tuuina atu nei faatonuga, ou te lē faamālō atu iā te outou, auā pe a outou faapotopoto faatasi,+ ua lē iʻu i se lelei a ua iʻu i le leaga. 18  E muamua lava, pe a outou potopoto faatasi i le faapotopotoga, ua ou faalogo o loo iai ni fevaevaeaʻiga iā te outou;+ ma ou te manatu e moni nisi o na tala. 19  E lē taumatea e iai foʻi fevaevaeaʻiga+ iā te outou, ina ia faaalia ai o ē e faamaoni o loo iā te outou.+ 20  O le mea lea pe a outou faapotopoto faatasi i se nofoaga, e lē talafeagai le auala ua outou aai ai i le talisuaga afiafi a le Alii.+ 21  Auā pe a outou aai ai, e taʻitasi ma muamua ona ʻai o lana lava ʻaiga o le afiafi, o lea e fia ʻai le tasi ae onā le isi. 22  Pe e lē moni ea o loo iai o outou fale e aai ma feinu ai?+ Po ua outou ʻinoʻino ea i le faapotopotoga a le Atua ma faamāsiasi i ē e leai ni mea?+ O le ā saʻu tala e fai atu iā te outou? Po ou te faamālō atu ea? E leai, ou te lē faamālō atu iā te outou i lenei mea. 23  Auā ua ou maua mai i le Alii le mea na ou tuuina atu foʻi iā te outou. I le pō+ a o leʻi faalataina le Alii o Iesu, na ia tago ai i le areto 24  ma fai le faafetai, ona ia vaevaeina lea+ ma fai atu: “O le faatusa lenei o loʻu tino+ ou te avatu mo outou. Ia faia pea lenei mea e fai ma faamanatuga+ iā te aʻu.” 25  Na faapea foʻi ona fai i le ipu+ ina ua uma le talisuaga afiafi, ona ia faapea atu lea: “O lenei ipu, o le faatusa lea o le feagaiga fou+ e ala i loʻu toto.+ Ia faia pea lenei mea i taimi uma tou te inu ai, e fai ma faamanatuga+ iā te aʻu.” 26  Auā o taimi uma lava+ e tou te aai ai i lenei areto ma inu i lenei ipu, ua outou faalauiloa atu ai pea le maliu+ o le Alii seʻia taunuu mai o ia.+ 27  O lea la, o sē e ʻai i le areto pe inu i le ipu a le Alii ma le faalētatau, e nofosala+ o ia i le tino ma le toto+ o le Alii. 28  Ia muamua ona suʻesuʻe ifo+ le tagata iā te ia lava, e faamautinoa ai pe e tatau ona ʻai ma inu, ona ʻai ai lea o ia i le areto ma inu i le ipu. 29  Auā o lē e ʻai ma inu, ua ʻai o ia ma inu i lona lava faamasinoga+ pe afai e na te lē iloa lelei le tino. 30  O le mea lea ua toʻatele ai outou ua vaivai ma mamaʻi, ma ua toʻatele foʻi o ē ua feoti.*+ 31  Ae afai tatou te malamalama iā i tatou lava, e lē faamasinoina la i tatou.+ 32  Ae pe a faamasinoina i tatou,+ ua aʻoaʻia i tatou e Ieova+ ina neʻi faasalaina+ i tatou faatasi ma le lalolagi.+ 33  O lea la le ʻauuso e, pe a outou potopoto faatasi e aai+ i le talisuaga, ia faatalitali le tasi i le isi. 34  Afai e iai se tasi e fia ʻai, inā ʻai ia i lona lava fale,+ ina neʻi faamasinoina+ outou pe a outou potopoto faatasi. Ae ou te faasaʻosaʻoina isi mea pe a ou taunuu atu.

Faamatalaga Pito i Lalo

O le faasalaga lenā o se fafine ua mulilua.
I le gagana Eleni, “ua momoe (i le oti).”