Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Korinito 10:1-33

10  O lenei le ʻauuso e, ou te manaʻo ina ia outou iloa, sa iai o tatou augātamā uma i lalo ifo o le ao,+ ma na latou ui uma atu i le sami,+  na papatisoina foʻi i latou uma iā Mose+ e ala i le ao ma le sami;  ma na latou aai uma i le meaʻai faaleagaga+ e tasi,  ma feinu uma i le meainu faaleagaga+ e tasi. Auā sa masani ona latou feinu mai i le papa faaleagaga,+ lea na mulimuli atu iā i latou, o lenā papa,+ o le Keriso+ lea.  Ae peitaʻi, e leʻi finagalo malie+ le Atua i le toʻatele o i latou, auā na feoti+ i latou i le toafa.  Na fai na mea ma faaaʻoaʻoga iā i tatou, neʻi avea i tatou ma ē e tuʻinanau i mea leaga,+ e pei ona latou tuʻinanau i ai.  Aua neʻi avea outou ma ē e ifo i tupua e pei ona faia e nisi o i latou;+ e pei ona tusia: “Sa nonofo i lalo le nuu e aai ma inu, ona tutū lea i luga ma fiafia.”+  Aua foʻi neʻi faaauau ona tatou faitaaga, e pei ona faitaaga o nisi o i latou,+ ma fano ai le toʻalua sefulu tolu afe o i latou i le aso e tasi.+  Aua foʻi tatou te faia se mea e tofotofo ai iā Ieova,+ e pei ona tofotofoina+ o ia e nisi o i latou, ma fano ai i gata.+ 10  Aua foʻi le muimui e pei ona muimui o nisi o i latou,+ ma fano ai i lē e faaoosala.+ 11  Na oo nei mea iā i latou e fai ma faaaʻoaʻoga, ma na tusia ina ia lapataʻia+ ai i tatou o ē o loo ola i le iʻuga o faiga o mea a le lalolagi.+ 12  O lea la, o lē ua manatu o loo tū o ia, ia faaeteete neʻi paʻū.+ 13  O faaosoosoga e oo iā te outou, e oo foʻi i tagata uma.+ Ae e faamaoni le Atua,+ ma e na te lē tuua outou i se faaosoosoga e sili atu nai lo o le mea tou te lavātia,+ ae pe a oo mai le faaosoosoga, e saunia e ia se auala e sao ai outou,+ ina ia outou tumau ai. 14  O lea la, aʻu pele e, ia sosola ese+ mai i le ifo i tupua.+ 15  Ua ou tautala atu i tagata ua iai le faautaga loloto;+ ia outou manatunatu i le mea ua ou fai atu ai. 16  O le ipu+ o le faafetai* lea ua tatou faafetai atu ai, pe e lē o le auai faatasi ea lea i le toto o Keriso? O le areto lea ua tatou vaevaeina,+ pe e lē o le auai faatasi ea lea i le tino o Keriso?+ 17  E tasi le areto, e ui lava e toʻatele i tatou+ ae e tasi lo tatou tino,+ auā tatou te aai uma i lenā areto e tasi.+ 18  Ia outou manatu foʻi iā Isaraelu faaletino:+ Pe e lē o auai faatasi ea o ē e aai i manu ua fasia mo taulaga, ma le fata faitaulaga?+ 19  O le ā la saʻu upu e fai atu? Pe e aogā ea mea ua faataulaga mo se tupua, ma pe e aogā ea le tupua?+ 20  E leai; ae ou te fai atu iā te outou, o mea ua faataulaga e nuu ese, ua latou faataulaga i temoni,+ ae e lē o le Atua; ma ou te lē manaʻo ina ia outou tofusia faatasi ma temoni.+ 21  E lē mafai ona outou inu i le ipu a Ieova+ ma le ipu a temoni; e lē mafai foʻi ona outou aai i “le laoai a Ieova”+ ma le laoai a temoni. 22  Po ua “tatou faatupu ea le fuā o Ieova”?+ Pe e sili atu ea ona malolosi+ i tatou nai lo o ia? 23  E taga mea uma lava; ae e lē o mea uma e aogā.+ E taga mea uma lava;+ ae e lē o mea uma e atiaʻe ai.+ 24  Aua neʻi saʻilia e se tasi lona lava lelei,+ a ia faaauau ona saʻili le lelei o isi.+ 25  Ia outou aai+ i mea uma ua faatauina atu i faleoloa e faatau ai aano o manu, ae aua le fesili ona o outou lotofuatiaifo;+ 26  auā “o Ieova+ e ana le lalolagi ma mea ua tumu ai.”+ 27  Afai e valaaulia outou e se tasi e lē talitonu, ma ua outou mananaʻo e tou te ō i ai, ia aai i mea uma ua laulauina i o outou luma,+ ae aua le fesili ona o o outou lotofuatiaifo.+ 28  Ae afai e faapea atu se tasi iā te outou: “O lenei meaʻai ua ofoina atu o se taulaga,” aua le aai ai ona o lē na ia taʻu atu iā te oe, ma ona o le lotofuatiaifo foʻi.+ 29  “O le lotofuatiaifo” ua ou fai atu ai, e lē o lou lava lotofuatiaifo, a o le lotofuatiaifo o le isi tagata. Auā aiseā e faamasinoina ai fua loʻu saʻolotoga e le lotofuatiaifo o le isi tagata?+ 30  Afai ua ou ʻai ma le faafetai, aiseā e taʻuleagaina ai fua aʻu i mea ua ou faafetai ai?+ 31  O le mea lea, pe tou te aai, pe inu, pe faia se tasi mea, ia faia mea uma lava ina ia faamamaluina ai le Atua.+ 32  Aua neʻi avea outou ma mea e tausuai+ ai tagata Iutaia, ma tagata Eleni, atoa foʻi ma le faapotopotoga a le Atua, 33  e pei foʻi ona ou faafiafia i tagata uma i mea uma lava,+ ou te lē o saʻili i soʻu lava lelei+ ae e mo le lelei o le toʻatele, ina ia faaolaina ai i latou.+

Faamatalaga Pito i Lalo

I le gagana Eleni, “o le ipu o faamanuiaga lea ua tatou faamanuia atu ai.”