Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

1 Ioane 5:1-21

5  O i latou uma e talitonu o Iesu o le Keriso, ua fananau mai i latou i le Atua,+ ma o i latou uma o ē e alolofa i le Atua le tamā, e alolofa foʻi i le fanau a le Atua.+  O le mea lea ua tatou iloa ai ua tatou alolofa+ i le fanau a le Atua,+ pe a tatou alolofa i le Atua ma usiusitaʻi i ana poloaʻiga.+  Auā o le alofa+ lenei i le Atua, ia tatou tausi i ana poloaʻiga;+ ma e lē mamafa ana poloaʻiga,+  auā o i latou uma e fananau+ mai i le Atua ua latou manumalo i le lalolagi.+ O le manumalo+ lenei ua tatou manumalo+ ai i le lalolagi, o lo tatou faatuatua lea.+  O ai sē ua manumalo+ i le lalolagi,+ pe afai e lē o lē e faatuatua+ o Iesu o le Alo lea o le Atua?+  O ia lenei na afio mai e ala i le vai ma le toto, o Iesu Keriso lea; e lē na o le vai,+ ae o le vai atoa ma le toto.+ O le agaga+ o le molimau lea, auā o le agaga o le upu moni lea.  Auā e tolu molimau,*  o le agaga,+ ma le vai,+ ma le toto,+ ma e autasi nei mea e tolu.+  Afai ua tatou talitonu i le molimau a tagata,+ e sili atu le molimau a le Atua, auā o le molimau lenei na tuuina mai e le Atua, o lana molimau+ e faatatau i lona Alo. 10  O le tagata e faatuatua i le Alo o le Atua, e talitonu i le molimau+ ua tuuina atu iā te ia. O le tagata e lē faatuatua i le Atua ua ia taʻu pepelo o ia,+ auā e leʻi faatuatua lava o ia i le molimau+ na tuuina mai+ e le Atua e faatatau i lona Alo. 11  O le molimau lenei ua tuuina mai e faapea, ua foaʻi mai e le Atua iā i tatou le ola e faavavau,+ ma o loo i lona Alo lenei ola.+ 12  O lē ua autasi ma le Alo ua iā te ia lenei ola; a o lē e lē autasi ma le Alo o le Atua e lē o iā te ia lenei ola.+ 13  Ua ou tusi atu i nei mea ina ia outou iloa o loo iā te outou le ola e faavavau,+ o outou o ē e faatuatua i le suafa o le Alo o le Atua.+ 14  O le mea lenei ua tatou mautinoa ai i le Atua,+ po o ā lava mea tatou te talosaga atu ai e tusa ma lona finagalo, e faafofoga mai lava o ia iā i tatou.+ 15  Afai tatou te iloa e faafofoga mai o ia i so o se mea tatou te talosaga atu ai,+ tatou te iloa e maua mea na tatou talosaga ai, auā na talosaga atu iā te ia.+ 16  Afai e vaai atu se tasi i lona uso ua faia se agasala e lē iʻu ai i le oti,+ ia tatalo mo ia, ona faaolaina ai lea o ia e le Atua,+ atoa ma i latou e lē o agasala e iʻu ai i le oti.+ E iai le agasala e iʻu i le oti. Ou te lē fai atu iā te ia ina ia tatalo mo le tagata na faia lenā agasala.+ 17  O amioga lē tonu uma lava o le agasala lea;+ ae e iai le agasala e lē iʻu i le oti. 18  Ua tatou iloa o le tagata ua fanau mai i le Atua,+ e lē faaauau ona agasala o ia, ae e tausia o ia e Lē+ ua fanau mai i le Atua,* ma e lē tago atu foʻi o lē o loo leaga iā te ia.+ 19  Ua tatou iloa e mai i le Atua lava i tatou,+ ae o le lalolagi atoa o loo nofo toʻilalo i le pule a lē o loo leaga.+ 20  A ua tatou iloa ua maliu mai le Alo o le Atua,+ ma ua ia foaʻi mai iā i tatou le mafaufau+ ina ia tatou iloa ai o lē e moni.+ Ua tatou autasi+ foʻi ma lē e moni, e ala i lona Alo o Iesu Keriso. O le Atua moni+ lenei ma o le puna o le ola e faavavau.+ 21  Le fanau e, ia leoleo outou mai i tupua.+

Faamatalaga Pito i Lalo

E lē maua i isi tusi tāʻai faamatalaga nei: “o le Tamā, ma le Lokou, atoa ma le Agaga Paia; o i latou nei foʻi e toʻatolu e toʻatasi lava ia.” E lē maua foʻi i le fuaiupu e 8 le faamatalaga, “e tolu molimau i le lalolagi.”
O “Lē ua fanau mai i le Atua,” o Iesu Keriso lea.