Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

1 Ioane 4:1-21

4  Le ʻaupele e, aua tou te talitonu i upu uma mai i agaga,+ ae ia tofotofo i upu mai i agaga ina ia iloa ai pe e mai i le Atua,+ auā e toʻatele perofeta pepelo ua ō atu i le lalolagi.+  Ua outou iloa upu mai i le agaga o le Atua+ i le mea lenei: O upu uma mai i agaga o loo taʻutino mai e faapea na afio mai Iesu Keriso o se tagata, e mai i le Atua,+  a o upu uma mai i agaga e lē taʻutino na afio mai Keriso o se tagata, e lē mai i le Atua.+ O upu foʻi nei mai i le agaga o le anetikeriso, ia na outou faalogo o le a oo mai,+ ma ua iai nei i le lalolagi.+  Le fanau e, e mai i le Atua lava outou, ma ua outou manumalo i tagata na,+ auā o lē e autasi+ ma outou e sili+ o ia i lē e autasi ma le lalolagi.+  E mai i le lalolagi i latou;+ o le mea lea latou te tautatala ai i mea mai i le lalolagi, ma e faalogo le lalolagi iā i latou.+  O i tatou e mai i le Atua.+ O lē e iloa le Atua e faalogo mai o ia iā i tatou;+ a o lē e lē mai i le Atua, e lē faalogo mai o ia iā i tatou.+ O le auala lenei e tatou te mātauina ai upu moni mai i le agaga, ma upu sesē mai i le agaga.+  Le ʻaupele e, seʻi faaauau ona alofa le tasi i le isi,+ auā o le alofa+ e mai i le Atua, ma o i latou uma e alolofa ua fananau mai i latou mai le Atua,+ ma ua latou iloa le Atua.+  O lē e lē alofa, e na te lē iloa le Atua, auā o le Atua o le alofa lava ia.+  O le mea lenei ua faaalia mai ai le alofa o le Atua iā i tatou,+ auā na auina mai e le Atua lona Atalii e toʻatasi*+ i le lalolagi, ina ia tatou maua ai le ola e ala iā te ia.+ 10  O le alofa lava lenei, e lē ona ua tatou alolofa i le Atua, ae ona ua alofa mai o ia iā i tatou ma auina mai lona Alo e fai ma taulaga+ o le leleiga+ ma le Atua mo a tatou agasala.+ 11  Le ʻaupele e, afai ua faapea ona alofa mai o le Atua iā i tatou, ua tatau ai la ona tatou alolofa o le tasi i le isi.+ 12  E leai lava se tasi ua vaai i le Atua.+ Afai e faaauau ona tatou alolofa o le tasi i le isi, e tumau pea le Atua iā i tatou, ma e atoatoa ai foʻi ona tatou faaalia lona alofa.+ 13  O le mea lenei ua tatou iloa ai o loo tumau ona tatou autasi+ ma ia, o ia foʻi ua autasi ma i tatou,+ auā ua ia foaʻi mai lona agaga iā i tatou.+ 14  E lē gata i lea, ua matou vāai+ ma molimau+ atu e faapea, na auina mai e le Tamā lona Alo e fai ma Faaola o le lalolagi.+ 15  O sē e taʻutino atu o Iesu Keriso o le Alo o le Atua,+ ona tumau lea ona autasi o le Atua ma lenā tagata, o ia foʻi e autasi ma le Atua.+ 16  O i tatou foʻi, ua tatou iloa ma talitonu i le alofa+ o le Atua iā i tatou. O le Atua o le alofa+ lava ia, ma o lē e tumau i le alofa+ e tumau ona autasi o ia ma le Atua, ma e tumau foʻi ona autasi+ o le Atua ma ia. 17  O le mea lenei ia atoatoa ai ona tatou faaalia le alofa, ina ia tatou saʻoloto e tautatala+ atu i le aso o le faamasinoga,+ auā e pei o Iesu Keriso, e faapea foʻi i tatou i lenei lalolagi.+ 18  E lē fefe le alofa,+ a o le alofa atoatoa e aveesea ai le fefe,+ auā o le fefe e taofiofia ai. O le mea moni, o lē e fefe e lē atoatoa ona ia faaalia le alofa.+ 19  A o i tatou, ua tatou alolofa auā na muaʻi alofa mai le Atua iā i tatou.+ 20  Afai e faapea mai se tasi: “Ou te alofa i le Atua,” ae e ʻinoʻino i lona uso, o ia o le pepelo.+ Auā o lē e lē alofa i lona uso,+ o lē ua ia vaai atu i ai, e lē mafai ona ia alofa i le Atua, o lē ua ia lē vaai atu i ai.+ 21  O le poloaʻiga foʻi lenei ua tatou maua mai iā te ia,+ o lē e alofa i le Atua e tatau foʻi ona alofa i lona uso.+

Faamatalaga Pito i Lalo

Na pau lea o le atalii na faia toʻatasi e le Atua.