Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LE OLOMATAMATA NU. 1 2017

 MATAUPU AUTŪ | FAITAUGA TUSI PAIA—AUALA E MAUA AI AOGĀ

E Faapefea Ona Faaleleia e le Tusi Paia Lo‘u Olaga?

E Faapefea Ona Faaleleia e le Tusi Paia Lo‘u Olaga?

O le Tusi Paia e lē o se tusi e masani ai. O loo iai fautuaga mai i Lē na foafoaina mea. (2 Timoteo 3:16) O le feʻau o loo iai e telē sona aafiaga iā i tatou. Ua taʻua i le Tusi Paia: “O loo ola le afioga a le Atua ma e matuā malosi foʻi.” (Eperu 4:12) O loo iai i le Tusi Paia le mana e faaleleia ai o tatou olaga i ni vala autū se lua, (1) o le aumaia o taʻiala mo le olaga i aso taʻitasi ma le (2) e fesoasoani iā i tatou ia iloa le Atua ma ana folafolaga.1 Timoteo 4:8; Iakopo 4:8.

Faaleleia lou olaga i le taimi nei. E mafai ona fesoasoani le Tusi Paia i mataupu e fitoitonu i le tagata lava ia. E aumaia ai fautuaga aogā i vala nei.

Na matuā talisapaia e se ulugalii talavou mai i Asia le aogā o fautuaga o loo i le Tusi Paia. E pei o le toʻatele o ulugalii fou, na faigatā foʻi ona faamasani le tasi i uiga o le isi ma lelei fesootaʻiga. Peitaʻi na amata ona la faatatauina mea na la faitau ai i le Tusi Paia. O le ā le iʻuga? Na faapea mai le tane o Vicent: “O mea na ou faitau ai i le Tusi Paia, ua fesoasoani iā te aʻu e taulima luʻi i la ma faaipoipoga i se auala alofa. O le ola e ōgatusa ma fautuaga a le Tusi Paia ua ma maua ai le fiafia.” Ua faapea mai lana avā o Annalou: “Ua fesoasoani iā i maʻua le faitau i faaaʻoaʻoga o loo i le Tusi Paia. Ua ou maua nei le fiafia ma le faamalieina i la ma faaipoipoga faapea foʻi o ma sini i le olaga.”

Iloa lelei le Atua. E ese mai i faamatalaga a Vicent e faatatau i faaipoipoga, na ia faapea mai foʻi: “O le faitauina o le Tusi Paia ua atili ai ona ou vavalalata i le Atua i le taimi lenei.” Na uaʻi atu le faamatalaga a Vicent i le manatu tāua lenei, e mafai ona fesoasoani le Tusi Paia iā te oe ina ia e iloa lelei ai le Atua. O le faia faapea e lē gata e te maua ai aogā mai i ana fautuaga, ae mafai foʻi ona avea ai o ia ma au uō. Ua Ia faailoa mai ai foʻi faamatalaga e faatatau i se lumanaʻi lelei, i le taimi o le a e olioli ai e faavavau i le “ola moni.” (1 Timoteo 6:19) O le mea lenā e lē mafai e se isi lava tusi ona ofoina mai.

Pe a faaauau ona e faitauina le Tusi Paia o le a e maua ai foʻi aogā, e pei o le faaleleia o lou olaga i le taimi lenei ma iloa lelei le Atua. Peitaʻi a o e faitauina le Tusi Paia, e ono mapuna aʻe i lou mafaufau le tele o fesili. Pe a tupu lenā mea, ia manatua le faaaʻoaʻoga lelei a se tagata tāua mai i Aitiope sa soifua i le 2,000 tausaga ua mavae. Sa tele ana fesili e faatatau i le Tusi Paia. Ina ua fesiligia po o malamalama i mea o loo ia faitauina, na ia tali mai: “E faapefea ona ou malamalama pe a lē faasino mai e se tasi iā te aʻu?” * Na ia naunau e talia le fesoasoani mai iā Filipo o se tasi o uluaʻi soo o Iesu, o ia foʻi o se faiaʻoga agavaa o le Tusi Paia. (Galuega 8:30, 31, 34) Pe a e fia silafia atili e faatatau i le Tusi Paia e pei o lenei tagata Aitiope, e matou te valaaulia oe e faaoo mai lau talosaga e ala mai i le www.jw.org/sm, pe tusi atu i se tuatusi e latalata ane o loo taʻua i lenei mekasini. E mafai foʻi ona e faafesootaʻi se Molimau a Ieova e latalata ane, pe asiasi i se Maota mo Sauniga i lou vaipanoa. Aiseā e te lē faitauina ai loa le Tusi Paia ma faataga e taʻitaʻia oe i se olaga e sili ona lelei?

Pe afai o e taumānatu pe e mafai ona e maufaatuatuaina atoatoa le Tusi Paia, faamolemole matamata i le vitiō puupuu How Can We Be Sure the Bible Is True? E mafai ona e mauaina pe a faaaogā le code pe asiasi i le jw.org, kiliki le ki e Saʻili ai ona tā lea i totonu o le igoa o le vitiō

^ pala. 8 Mo faaaʻoaʻoga o fautuaga aogā o loo i le Tusi Paia, tagaʻi i la matou Upega tafaʻilagi o le jw.org. Tagaʻi i lalo o le vaega AʻOAʻOGA A LE TUSI PAIA > TALIINA O FESILI FAALE-TUSI PAIA.

^ pala. 11 Tagaʻi foʻi i le mataupu o loo i lenei lomiga “Pe e na o Sina Manatu Sesē Laʻitiiti?

Faitau Atili

E Faapefea Ona Aogā iā i Tatou Mataupu Silisili o le Tusi Paia?

Na taʻua e Iesu le māfuaaga e tatou te manaʻomia ai taʻitaʻiga, faapea mataupu silisili e lua e sili ona tāua.

O ā Mea e Manaʻomia Ona E Faia Ina ia Malamalama ai i le Tusi Paia?

E tusa po o lē a lava lou talaaga, e mafai ona e malamalama i le feʻau a le Atua o loo i le Tusi Paia.

Pe e Iai se Suafa o le Atua?

E tele faalupega e ave i le Atua, e pei o le Silisili Ese, Alii, ma le Tupu o le vavau. Peitaʻi, e pe ā ma le 7,000 taimi o loo faaaogā ai le suafa patino o le Atua i le Tusi Paia.