Skip to content

Skip to secondary menu

Skip to table of contents

Molimau a Ieova

Faa-Samoa

LE OLOMATAMATA TESEMA 2015

 MATAUPU AUTŪ | E MAFAI ONA E MALAMALAMA I LE TUSI PAIA

Aiseā e Ao ai Ona Malamalama i le Tusi Paia?

Aiseā e Ao ai Ona Malamalama i le Tusi Paia?

“O le Tusi Paia o se tusi faalelotu ua lauiloa. Peitaʻi o se tusi mo isi atunuu auā e lē aogā i tagata Saina.”—LIN, SAINA.

“E oo lava i tusitusiga paia a laʻu lotu Hinitū ou te lē malamalama i ai. E faapefea la ona ou malamalama i le Tusi Paia?”—AMIT, INITIA.

ʻOu te faatāua le Tusi Paia o se tusi ua leva, ma ou te faalogo o se tusi e sili ona alumia. Peitaʻi ou te leʻi vaai lava i se kopi o le Tusi Paia.’—YUMIKO, IAPANI.

O le toʻatele o tagata i le lalolagi aoao e tāua tele iā i latou le Tusi Paia, e ui atonu e itiiti pe e latou te matuā lē iloa se mea e faatatau i le Tusi Paia. O le tulaga moni lenā i le faitau miliona o tagata o loo nonofo i Asia, ma le tele o isi atunuu o loo maua ai e le toʻatele le Tusi Paia.

Peitaʻi, atonu e te fesili, ʻAiseā e tatau ai fua ona ou naunau ia malamalama i le Tusi Paia?’ Talu ai o le malamalama e faatatau i lenei tusi e paia, e mafai ona fesoasoani iā te oe i vala nei:

  • Maua le lotomalie ma le fiafia

  • Taulima faafitauli i le aiga

  • Feagai ma popolega

  • Faaleleia faiā ma isi

  • Faasoasoa lelei ai tupe

O se faaaʻoaʻoga, seʻi manatu iā Yoshiko i Iapani. Sa taumānatu o ia po o ā mea o loo tusia i le Tusi Paia, ma o lea na filifili ai loa e na te faitauina. O le iʻuga, na faapea mai o ia: “Ua fesoasoani le Tusi Paia iā te aʻu e maua ai se fuafuaga i le olaga, ma se faamoemoe i le lumanaʻi.” Ua ia taʻua atili: “E lē o toe iā te aʻu ni faalogona lē aogā.” Sa filifili Amit lea na taʻua i le amataga, e iloilo e ia lava le Tusi Paia. Ua ia faapea mai: “Sa ou maofa. O loo iai i le Tusi Paia faamatalaga e aogā mo tagata uma.”

E faitau miliona tagata ua matuā aafia o latou olaga i le Tusi Paia. Aiseā la e te lē iloiloina ai e oe lava le Tusi Paia, ma mātau aogā e te maua mai ai?