Skip to content

Skip to secondary menu

Skip to table of contents

Molimau a Ieova

Faa-Samoa

Le Olomatamata  |  Tesema 2015

Taliina Fesili Faale-Tusi Paia

Taliina Fesili Faale-Tusi Paia

Pe e mafai ona tatou iloa le upu moni e faatatau i le Atua?

Aiseā e finagalo ai le Atua ia tatou iloa le upu moni? Faitau le Ioane 17:3

O loo fesootaʻi mai le Atua i tagata. Sa ia faaaogā lona agaga paia po o le mana galue, ina ia faailoa atu ai ona manatu i mafaufau o ē na tusia le Tusi Paia. (2 Peteru 1:20, 21) E mafai la ona tatou iloa le upu moni e faatatau i le Atua, e ala i le faitauina o le Tusi Paia.—Faitau le Ioane 17:17; 2 Timoteo 3:16.

Ua faailoa mai e le Atua le tele o mea e faatatau iā te ia e ala mai i le Tusi Paia. Ua ia faailoa mai le māfuaaga na ia foafoaina ai le tagata, o mea o le a ia faia mo tagata, ma le auala e finagalo e tatou te ola ai. (Galuega 17:24-27) E finagalo Ieova le Atua ia tatou iloa le upu moni e faatatau iā te ia.—Faitau le 1 Timoteo 2:3, 4.

Aiseā e talia ai e le Atua i latou e fiafia i le upu moni?

O Ieova o le Atua o le upu moni, ma na ia auina mai lona Alo o Iesu ina ia aʻoaʻo tagata i le upu moni. O lea, e tosina atu iā Iesu i latou e fiafia i le upu moni. (Ioane 18:37) O i latou na e finagalo le Atua ia avea ma ona tagata tapuaʻi.—Faitau le Ioane 4:23, 24.

Ua taofia e Satani le Tiapolo le toʻatele o tagata mai i le iloaina o le Atua, e ala i le faasalalau atu o aʻoaʻoga sesē e faatatau i le Atua. (2 Korinito 4:3, 4) O tagata e ʻinoʻino i le lelei, e fiafia i na aʻoaʻoga sesē. (Roma 1:25) Peitaʻi, e faitau miliona tagata lotofaamaoni ua maua le upu moni e faatatau i le Atua, e ala i le suʻesuʻeina o le Tusi Paia.—Faitau le Galuega 17:11.