Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LE OLOMATAMATA NOVEMA 2015

E te Silafia?

E te Silafia?

Aiseā na sele ai e Iosefa lana ʻava a o leʻi alu atu i luma o Farao?

O se puipui i Aikupito anamua o loo iai le ata o se tagata ʻoti ulu

E tusa ai o le faamatalaga a le tusi o Kenese, na poloaʻia e Farao ia faavave ona avatu i ona luma le pagota Eperu o Iosefa, ina ia faamatala le uiga o ana miti. O le taimi lea ua tele tausaga talu ona faafalepuipui Iosefa. E ui i le faanatinati o le poloaʻiga a Farao, ae na faaalu lava e Iosefa se taimi e sele ai lana ʻava. (Kenese 39:20-23; 41:1, 14) O le taʻua e le tusitala o lenei faamatalaga e foliga mai e le tāua, ua iloa mai ai sa masani lelei le tusitala i aganuu a Aikupito.

Sa taatele i atunuu anamua le faauumi o ʻava, e aofia ai ma tagata Eperu. Peitaʻi, na taʻua i le tusi a McClintock ma Strong o le Cyclopedia of Biblical, Theological, and Ecclesiastical Literature, “e na o Aikupito anamua le malo mai i atunuu i asia i sasaʻe, na teena lenā faiga o le faauumi o ʻava.”

Pe e na o le ʻava sa manaʻomia ona sele? Ua taʻua i le mekasini o le Biblical Archaeology Review, e iai nisi o tū faaleaganuu i Aikupito sa manaʻomia i se tane ona fai ina ia sauni ai e tulaʻi i luma o Farao, e pei lava o le a ulu atu i se malumalu. I lenā tulaga, sa manaʻomia ai e Iosefa ona sele lona ulu ma lona tino.

Ua ta‘ua i le tusi o Galuega o le tamā o Timoteo o se Eleni. Po o lona uiga la e sau lona tamā mai i Eleni?

Atonu e leai. Talu ai o nisi taimi i tusitusiga faagaeeina a Paulo, sa ia faaeseese ai tagata Iutaia ma tagata Eleni, ma e peisea‘ī o le ta‘u Eleni na faasino atu i tagata uma e lē o ni Iutaia. (Roma 1:16; 10:12) O le isi māfuaaga na faia ai faapea e Paulo, ona sa taatele le gagana ma le aganuu a Eleni i oganuu na tala‘i ai Paulo.

O ai la na manatu i ai tagata anamua o ni tagata Eleni? I le senituri lona fā T.L.M., na tusi ai ma le mitamita Isocrates, o se faitofā mai Atenai i Eleni, e faatatau i le auala na salalau atu ai le aganuu a Eleni i le lalolagi. Sa ia ta‘ua e faapea o le i‘uga, “ua maua e i latou ua ta‘ua o ni Eleni aogā mai i a matou a‘oa‘oga, nai lo o tagatānuu moni o Eleni.” E ui e lē o mautinoa, ae e mafai ona faapea atu o le tamā o Timoteo ma isi ia na faasino i ai Paulo, e lē o ni tagatānuu moni o Eleni, ae na ola e tusa ai ma aganuu a Eleni.—Galuega 16:1.

Faitau Atili

“O Loʻu Atalii Pele ma le Faamaoni i le Alii”

O le ā na fesoasoani iā Timoteo e aveesea ai lona uiga matamuli ae avea ma se toeaina Kerisiano iloga?