Skip to content

Skip to secondary menu

Skip to table of contents

Molimau a Ieova

Faa-Samoa

Le Olomatamata (Lomiga mo Su‘esu‘ega)  |  Oketopa 2015

“Ia Faaauau Ona [Tatou] Faapelepele i Tane Faapena”

“Ia Faaauau Ona [Tatou] Faapelepele i Tane Faapena”

TALU mai le 1992, na tofia ai e le Vaega Pule ni toeaina Kerisiano matutua faaleagaga ua iai le tomai, e fesoasoani i komiti a le Vaega Pule ma a latou galuega. * O nei fesoasoani a le Vaega Pule e mai i “isi mamoe,” ua latou sauniaina le fesoasoani tāua mo le Vaega Pule. (Ioa. 10:16) E latou te auai i fono faalevaiaso a komiti ua tofia ai i latou, e latou te tapenaina ni manatu ma saunia fautuaga. E faia e sui o le Vaega Pule le faaiʻuga mulimuli, ae o uso nei e latou te faagaoioia faaiʻuga a komiti, ma faataunuu so o se faaeaga e tuuina atu iā i latou. E latou te faimalaga faatasi ma sui o le Vaega Pule i tauaofiaga faapitoa ma tauaofiaga faavaomalo. Atonu e tofia foʻi i latou e asiasi o ni sui o le ofisa ulu i ofisa o lālā.

Ua faapea mai se tasi o uso na galue talu ona amata mai lenei faatulagaga: “Pe a faia oʻu faaeaga, ona mafai lea ona uaʻi atu le Vaega Pule i mataupu faaleagaga.” Pe a toe tepa i tua se uso ua silia i le 20 tausaga o galue o se fesoasoani a le Vaega Pule, ua ia faapea mai: “O se faaeaga tautele lea ua ou galue ai.”

E matuā maufaatuatuaina e le Vaega Pule nei uso o loo fesoasoani iā i latou, ma talisapaia le auaunaga tāua o loo faia e nei uso faamaoni ma galulue mamafa. Tau ina “ia faaauau ona [tatou] faapelepele i tane faapena.”—Fili. 2:29.

^ pala. 2 Tagaʻi i le itulau e 131 o le tusi Ua Pule le Malo o le Atua! mo tiute tauave o loo faia e komiti e ono a le Vaega Pule.