Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LE OLOMATAMATA (LOMIGA MO SU‘ESU‘EGA) SETEMA 2016

Maua Aogā Mai le Taʻitaʻiga a Ieova i Aso Nei

Maua Aogā Mai le Taʻitaʻiga a Ieova i Aso Nei

SE FILIFILIGA ATAMAI I POLANI

“NA OU papatiso i le 15 o oʻu tausaga, ma i le ono masina mulimuli ane, na amata loa ona ou paeonia lagolago. Ina ua mavae le tausaga, na ou talosaga mo le paeonia sauatoa. Ina ua ou faauu mai i le aʻoga maualuga, sa ou talosaga loa e galue i se vaipanoa o loo telē ai le manaʻoga mo tagata talaʻi o le Malo. Na ou manaʻo ou te alu ese mai i lo matou aai, ma le tinā o loʻu tinā o loo ma nonofo, e lē o se Molimau a Ieova. Pagā loʻu faanoanoa ina ua fai mai le ovasia matagaluega, o laʻu oganuu o le aai na ou fanau ai! Na ou taumafai e nanā oʻu faalogona mai le ovasia. A o oʻu savali ese, na ou punou ma mafaufau i le tala a le ovasia. Na ou faapea atu i laʻu paga: ʻUa pei lava aʻu o Iona. Peitaʻi i le iʻuga na alu Iona i Nineva. O lea la, o le a ou auauna foʻi i le mea ua tofia i ai aʻu.’

“Ua fā nei tausaga o oʻu paeonia i lo matou aai, ma ua ou iloa ai nei le atamai o le mulimuli i le faatonuga na tuuina mai. O le faafitauli autū, sa sesē laʻu vaai. Ua ou maua nei le olioli. I totonu o le tasi le masina, na ou faia ai ni suʻesuʻega faale-Tusi Paia e 24. Ou te faafetai iā Ieova, ona ua ma suʻesuʻe ma le tinā o loʻu tinā lea sa tetee muamua.”

SE IʻUGA FIAFIA I FITI

Na filifili se tagata suʻesuʻe i Fiti pe auai i se tauaofiaga, pe ō ma lana tane i le patī o se aso fanau. Na faataga o ia e lana tane e auai i le tauaofiaga. Na ia faapea atu i lana tane o le a alu atu i le patī pe a uma le tauaofiaga. Peitaʻi, ina ua uma le tauaofiaga, na manatu o ia e sili le ʻalofia o se tulaga e lamatia ai faaleagaga. O lea e leʻi alu o ia.

Ina ua faapea atu lana tane i ona tauaiga o le a faatasi atu lana avā pe a uma le “sauniga a Molimau” o loo alu ai, na latou faapea mai, “E lē sau, e lē faamanatuina e Molimau a Ieova aso fanau!” *

O lea, sa mitamita le tane i lana avā ona o le tū malosi i ona talitonuga ma lona lotofuatiaifo. O lona faamaoni na maua ai le avanoa e molimau ai i lana tane ma isi. O le ā le iʻuga? Na talia e le tane se suʻesuʻega faale-Tusi Paia ma amata ona auai ma lana avā i sauniga.

^ pala. 7 Tagaʻi i le “Fesili Mai le ʻAufaitau” i Le Olomatamata o Tesema 15, 2001.