Skip to content

Skip to secondary menu

Skip to table of contents

Molimau a Ieova

Faa-Samoa

LE OLOMATAMATA (LOMIGA MO SU‘ESU‘EGA) IUNI 2016

Pe E te Manatua?

Pe E te Manatua?

Pe na e faitauina māeʻaeʻa lomiga fou o Le Olomatamata? Seʻi vaai pe mafai ona e taliina fesili o loo mulimuli mai:

Aiseā na faataga ai e Ieova ona tau tagata Isaraelu anamua i taua?

E alofa Ieova. Peitaʻi, e iai taimi na ia poloaʻia ai le tauina o ni taua pe a lamatia ona tagata i faiga leaga ma faasauā. Na filifilia e le Atua po o ai e tauina taua ma le taimi e tauina ai.—w15 11/1, itu. 4-5.

O a mea tāua e mafai e mātua ona toleni ai a latou fanau talavou e auauna iā Ieova?

E tāua i mātua ona alolofa i a latou fanau talavou, ma ia faaalia le lotomaulalo i a latou faaaʻoaʻoga. E tāua foʻi i mātua ona faaalia le utaga mamao ma taumafai e malamalama i a latou fanau talavou.—w15 11/15, itu. 9-11.

Aiseā e lē tatau ai ona manatu o le pope o le sui o Peteru?

E lē o faapea mai le Mataio 16:17, 18 o le aposetolo o Peteru le ulu o le faapotopotoga Kerisiano. Ua faailoa mai i le Tusi Paia e leʻi iai iā Peteru se tulaga pule. Nai lo o lea, o Iesu le maa tulimanu o le faapotopotoga. (1 Pete. 2:4-8)—w15 12/1, itu. 12-14.

O ā vala e tatau ona tatou mafaufau i ai a o leʻi faia se faamatalaga?

Ina ia faaaogā lelei o tatou laulaufaiva, e tatau ona tatou manatu mamafa i le (1) taimi talafeagai e tautala ai (Fai. 3:7), (2) upu e tautala ai (Faata. 12:18), ma le (3) auala e tautala ai (Faata. 25:15).—w15 12/15, itu. 19-22.

O ā ni faiga lē faamaoni e tatau ona ʻalofia e Kerisiano?

E ʻalofia e Kerisiano moni le pepelo ma le faia o tala taufaaleaga. E latou te lē faia ni faamatalaga pepelo e faaleaga ai talaaga o isi, ma e latou te lē taufaavalea pe gāoi.—wp16.1, itu. 5.

O ai le “ʻaufaitaulaga sili” o loo taʻua i le Tusi Paia?

O le faaupuga “ʻaufaitaulaga sili” ua faamaonia e faasino atu i taʻitaʻi o vaega o le faiva faaositaulaga, e aofia ai i latou na avea muamua ma ositaulaga sili ae na aveesea.—wp16.1, p. 10.

E faapefea ona e feutagaʻi ma se tasi e tagofia le areto ma le uaina i le Faamanatuga?

E lē faasilisilia e Kerisiano i latou e taumamafa i le Faamanatuga. O se tasi e faauuina moni, e lē manaʻo e faasilisilia o ia. E lē manaʻo foʻi o ia e faalauiloa atu i isi lona tulaga i luma o le Atua. (Mata. 23:8-12)—w16.01, pp. 23-24.

O le ā e tatou te aʻoaʻoina mai i le avea o Aperaamo ma uō a le Atua?

Atonu na aʻoaʻoina e Aperaamo mai iā Semu le poto e faatatau i le Atua. Na aʻoaʻoina foʻi e Aperaamo mea mai le auala na feutagaʻi ai Ieova ma ia ma lona aiga. E mafai foʻi ona tatou faia faapea.—w16.02, itu. 9-10.

Na faapefea ona maua mataupu ma fuaiupu o le Tusi Paia?

I le senituri lona 13, na vaevae ai e le faifeʻau o Stephen Langton le Tusi Paia i mataupu. O tagata Iutaia o ē e toe tusia tusi na uluaʻi faatulagaina le Tusi Paia Eperu i fuaiupu. Ae i le senituri lona 16, na vaevaeina ai e Robert Estienne i fuaiupu ia Tusitusiga Kerisiano Eleni.—wp16.2, itu. 14-15.

Pe na ave moni e Satani Iesu i le malumalu ina ia faaosooso ai o ia?

E tatou te lē mautinoa lelei. Ae i le Mataio 4:5 ma le Luka 4:9, e mafai ona uiga atu na aveina Iesu i inā e ala i se faaaliga, pe na ia tū foʻi i se vaega e sili ona maualuga o le malumalu.—w16.03, itu. 31-32.

O ā auala e pei ai o le sau la tatou faiva faa-Kerisiano?

O le sau e faasolosolo ona maua, ma e faafouina ma faatumauina ai le ola. O le sau foʻi o se faamanuiaga mai i le Atua. (Teu. 33:13) E faapena foʻi taumafaiga tuufaatasi a tagata o le Atua i le faiva i le fanua.—w16.04, itu. 4.