Skip to content

Skip to secondary menu

Skip to table of contents

Molimau a Ieova

Faa-Samoa

Le Olomatamata  |  Nu. 5 2017

 MATAUPU AUTŪ | PE E IAI MONI NI AGELU?

Le Mea Moni e Uiga i Agelu

Le Mea Moni e Uiga i Agelu

Pe e te fia iloa le mea moni e uiga i agelu, o ai nei foafoaga agaga, o le ā lo latou amataga mai, ma o ā mea e latou te faia? E leai se isi mea e sili atu e saʻili i ai mo tali nai lo o le Afioga faagaeeina a le Atua, le Tusi Paia. (2 Timoteo 3:16) O le ā le manatu o le Tusi Paia?

  • E pei lava o le Atua o le Agaga, e faapena foʻi agelu, o agaga e lē vaaia ʻe leai ni tino ma ni ivi.’ E nonofo agelu faamaoni i le lagi, ma e latou te faatasi ai ma le Atua.​—Luka 24:39; Mataio 18:10; Ioane 4:24.

  • E iai taimi na liutino i tagata ai agelu ina ia faataunuu o latou tofiga mai i le Atua i le lalolagi. Ina ua māeʻa o latou tofiga, ona toe liua lea o o latou tino faaletagata i tino agaga ma toe foʻi atu i le lagi.​—Faamasino 6:11-23; 13:15-20.

  • E ui o loo faaalia i le Tusi Paia agelu o ni alii, ma pe a liutino i tagata e masani ona liua e avea o ni alii, ae e lē faapea ai e iai ni ituaiga o agelu o ni tane po o ni fafine. E latou te lē faaipoipo pe fananau foʻi. E lē gata i lea, e latou te leʻi soifua muamua o ni tagata i le lalolagi o ni pepe, tamaiti, po o ni tagata matutua foʻi. Na foafoaina e Ieova agelu, o le mea lea ua taʻua ai i latou i le Tusi Paia o “atalii o le Atua moni.”​—Iopu 1:6; Salamo 148:2, 5.

  • O loo taʻua foʻi i le Tusi Paia e iai “gagana a tagata atoa ma agelu,” e faaalia ai o nei foafoaga agaga e iai la latou gagana ma le auala e tautatala ai. E ui ina faaaogā e le Atua agelu e fesootaʻi mai ai i tagata, ae e na te lē faatagaina i tatou e tapuaʻi pe tatalo atu i ai.​—1 Korinito 13:1; Faaaliga 22:8, 9.

  • E mano ni mano agelu, atonu e oo atu lo latou faitau aofaʻi i le faitau piliona. *​—Tanielu 7:10; Faaaliga 5:11.

  • E “malolosi tele” agelu, e malolosi atu nai lo o tagata ma e sili atu lo latou atamamai. E matuā saosaoa foʻi, o se mea e lē mafai ona faaāta i le mafaufau o se tagata.​—Salamo 103:20; Tanielu 9:20-23.

  • E ui lava e sili atu le atamamai ma le malolosi o agelu, ae e iai mea e gata ai lo latou mafai ma lo latou iloa.​—Mataio 24:36; 1 Peteru 1:12.

  • Na foafoaina agelu ma e iai o latou uiga, uiga e pei o le Atua, ma e iai foʻi la latou filifiliga saʻoloto. E pei o tagata, e mafai ona latou filifili e fai le mea saʻo po o le mea sesē. Ae e faanoanoa, na filifili nisi agelu e fouvale i le Atua.​—Iuta 6.

^ pala. 8 O le mano e tusa ma le sefulu afe. A faatele la le tasi mano i le isi mano o lona uiga e selau miliona. Ae o loo taʻua i le Faaaliga le “mano ni mano” o agelu. Atonu e faitau selau miliona, pe faitau piliona le aofaʻi o nei foafoaga agaga.

Faitau Atili

TALIINA O FESILI FAALE-TUSI PAIA

Pe e Iai ni Temoni?

O ai temoni? O fea na latou ō mai ai?