Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LE OLOMATAMATA NU. 3 2016

 SUIA E LE TUSI PAIA OLAGA

Sa Aʻoaʻoina Aʻu ia Faaaloalo i Fafine Faapea Aʻu

Sa Aʻoaʻoina Aʻu ia Faaaloalo i Fafine Faapea Aʻu
  • TAUSAGA FANAU: 1960

  • ATUNUU: FALANI

  • TALAAGA: SAUĀ, PULEA E FUALAAU FAASĀINA MA LĒ FAAALOALO I FAFINE

OLAGA SA IAI:

Na ou fanau i Mulhouse, o se aai i le itu i mātū i sisifo o Falani, e matitiva ma lauiloa i faiga sauā. Ou te manatua le tele o vevesi ma misa i aiga i lenā vaipanoa a o oʻu laʻitiiti. I loʻu aiga, e vaai maualalo tamāloloa i fafine ma e seāseā amanaʻia o latou manatu. Na aʻoaʻoina aʻu o le tofi o fafine o le umukuka ma le tausia o tamāloloa ma tamaiti.

E leʻi faigofie loʻu olaga o se tamaitiiti. O le sefulu o oʻu tausaga na oti ai loʻu tamā ona o le lē pulea o lana inu. I le lima tausaga mulimuli ane, na pule ai se tasi o oʻu uso matua i lona ola. I le tausaga lava lenā, na ou vaaitino ai i le fasiotia o se tasi i se misa i lo matou aiga, ma na matuā faateʻia ai aʻu. Sa aʻoaʻo aʻu e nisi o loʻu aiga i le auala e faaaogā ai naifi ma fana, ma ia fusu i so o se taimi e manaʻomia ai. Sa matuā leaga loʻu olaga o se talavou, ma na amata ona ou inu pia ma tā peʻa i loʻu tino.

E 16 ane oʻu tausaga ua 10 i le 15 fagupia ou te inuina i le aso, ma e leʻi umi ae ou tagofia fualaau faasāina. Ina ia maua tupe e faatau ai nei mea, sa ou faatau atu fasi uʻamea ma gaoi. E 17 ane oʻu tausaga ua ou foʻi mai i le falepuipui. Pe a tuufaatasi, e faatolu ona ou falepuipui, ae faa 15 ona faasala faanofo vaavaaia aʻu ona o le gaoi ma le faatupu vevesi.

Na atili ona leaga loʻu olaga ina ua 20 ma ona tupu oʻu tausaga. E tusa ma le 20 sikareti mariuana na ou ulaina i le aso, ma ou faaaogā foʻi isi ituaiga fualaau faasāina. E tele taimi na ou tau oti ai ona o le ova inu o fualaau. Sa ou faatau atu fualaau faasāina ma e masani ona ou fealuaʻi ma ave naifi ma fana. Na ou fanaina se tamāloa i se tasi aso, ae na laki ona na tau le pulufana i le talauga o lona fusipaʻu ma toe fiti ese ai. Na faateteleina loʻu leaga ina ua maliu loʻu tinā i le 24 o oʻu tausaga. Pe a vāai tagata iā te aʻu i le auala, e kolosi i le isi pito ona o le fefefe. E tele ina taofia aʻu i le ofisa o leoleo i faaiʻuga o vaiaso ona o ni misa, pe ave i le falemaʻi e suʻi oʻu manuʻa.

Na ou faaipoipo i le 28 o oʻu tausaga, ma e lē faaaloalo le auala na ou feutagaʻi ai ma laʻu avā. Sa ou faalumaina o ia ma fasi. E ma te leʻi faifaimea faatasi o se ulugalii. Na ou manatu ua lava a le avatu iai o mea na ou gaoia mai, e pei o filifili, mama ma mea faapena. Peitaʻi, e iai se mea na tupu ou te leʻi faatalitalia. Na amata ona suʻesuʻe e laʻu avā le Tusi Paia ma Molimau a Ieova. Ina ua uma lana  suʻesuʻega muamua, na lē toe ulaula, e na te leʻi toe taliaina ni tupe gaoi, ma toe faafoʻi mai filifili, mama, ma isi mea na ou avatu iā te ia. Sa ou ita tele ma tetee i lana suʻesuʻega, ma feula atu le asu o le tapaa i ona foliga. Na ou faamāina foʻi o ia i o matou tuaoi.

I se tasi pō a o ou matuā tau i le ua, na mū ai lo matou fale iā te aʻu. Na faasao e laʻu avā i maʻua ma loʻu afafine e lima tausaga. Ina ua teʻa loʻu onā, na matuā leaga oʻu faalogona. Sa ou manatu e lē taitai ona faamagaloina aʻu e le Atua. Na ou manatua le tala a se patele e faapea, o tagata leaga e susunu i le afi i seoli. E oo lava foʻi i laʻu fomaʻi o le mafaufau na fai mai ua lē toe aogā se vaifofō iā te aʻu.

SUIA E LE TUSI PAIA LOʻU OLAGA:

Ina ua uma le mū, sa matou siitia i le fale o mātua o laʻu avā. Ina ua toe asiasi mai Molimau a Ieova i laʻu avā, na ou fesili i ai, “Pe e mafai ona faamagalo e le Atua aʻu agasala uma?” Na latou faaali mai le 1 Korinito 6:9-11, lea e taʻua ai le tele o amioga e taʻusalaina e le Atua, ae ua faapea atili mai: “Sa faapena foʻi nisi o outou.” O na upu na ou mautinoa ai e mafai ona fai se suiga. Na faamautinoa mai foʻi e Molimau a Ieova, e alofa le Atua iā te aʻu e ala i le faamautinoaga o loo i le 1 Ioane 4:8. Sa faalaeiauina aʻu, ma na ou talosaga i Molimau a Ieova ia faalua i le vaiaso ona fai laʻu suʻesuʻega faale-Tusi Paia. Sa amata loa ona ou auai i a latou sauniga faa-Kerisiano, ma tatalo e lē aunoa iā Ieova.

E leʻi atoa se masina ae ua ou lē toe faaaogāina fualaau faasāina ma tuu laʻu inu. E leʻi umi ae sui laʻu faalogo i loʻu tino! E leaga aʻu miti e fai i pō, tigā le ulu, migi uaua o loʻu tino, ma isi āuga tigā ona ua tuu aʻu masaniga leaga. Ae i le taimi e tasi, na ou lagona e pei o loo uu e Ieova loʻu lima ma faamalosi mai iā te aʻu. Sa pei oʻu lagona o le aposetolo o Paulo, o lē na tusi e faatatau i le fesoasoani na ia maua mai i le Atua: “O mea uma lava, ua ou maua le malosi mai iā te ia o lē na foaʻi maia iā te aʻu le mana.” (Filipi 4:13) Mulimuli ane, na mafai foʻi ona tuu laʻu ulaula tapaa.—2 Korinito 7:1.

E lē gata ua fesoasoani le Tusi Paia ina ia ou pulea ai loʻu olaga, ae ua faaleleia ai foʻi le tulaga o loʻu aiga. Ua sui le auala ou te feutagaʻi ai ma laʻu avā. Ua ou faaaloalo iā te ia ma faaaogā upu e pei o le “faamolemole” ma le “faafetai.” Ua avea foʻi aʻu o se tamā lelei i si oʻu afafine. Ina ua māeʻa le tausaga talu ona ou suʻesuʻeina le Tusi Paia, na tuuina atu loa loʻu ola iā Ieova ma papatiso ma mulimuli i le faaaʻoaʻoga a si aʻu avā.

AOGĀ IĀ TE AʻU:

Ou te mautinoa ua faasaoina loʻu ola ona o mataupu silisili o le Tusi Paia. E oo lava i oʻu tauaiga e lē o ni Molimau a Ieova, e manatu faapenei ua ou oti ona o le lē pulea o loʻu faaaogāina o fualaau faasāina, pe ua fasiotia foʻi aʻu i se misa.

Ua telē le suiga i loʻu aiga ona o mataupu silisili o le Tusi Paia, lea e faailoa mai ai oʻu tiute tauave o se tane ma se tamā. (Efeso 5:25; 6:4) Ua matou faifaimea—faatasi o se aiga. Nai lo o le taofi o laʻu avā e faapea o lona tofi o le umukuka, ae ua ou lagolago ma le fiafia iā te ia i lana galuega talaʻi faataimi atoa. O loo ia lagolago foʻi ma le fiafia i oʻu tiute o se toeaina i le faapotopotoga.

Ua matuā suia loʻu olaga ona o le alofa ma le agalelei o Ieova le Atua. Ou te matuā naunau e faailoa atu uiga lelei o Ieova i ē e manatu ua leai se faamoemoe, auā sa manatu foʻi faapena le toʻatele iā te aʻu. Ua ou iloa o loo iai i le Tusi Paia le mana e fesoasoani ai i so o se tasi, ina ia maua se olaga mamā ma iai se fuafuaga. E lē gata ua aʻoaʻoina aʻu i le Tusi Paia ia faaalia le alofa ma le faaaloalo i isi, o tane ma fafine, ae ua ou faaaloalo ai foʻi iā te aʻu lava.

Faitau Atili

E Faapefea Ona Aogā iā i Tatou Mataupu Silisili o le Tusi Paia?

Na taʻua e Iesu le māfuaaga e tatou te manaʻomia ai taʻitaʻiga, faapea mataupu silisili e lua e sili ona tāua.