Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

ALA MAI! OKETOPA 2015

 MEA O TUTUPU I LE LALOLAGI

Tala e Faatatau i Aiga

Tala e Faatatau i Aiga

Ua feagai aiga ma le tele o faigatā, ae e mafai ona fesoasoani iā i latou le atamai aogā o loo i le Tusi Paia, ina ia fesagaʻia ai ma le taulau manuia na faigatā.

AFERIKA

Ua faapea mai le Faalapotopotoga o le Soifua Mālōlōina i le Lalolagi, e tatau ona faasusu pepe i o latou tinā a o leʻi atoa se itula talu ona fananau mai, ma ia faaauau ona faia faapea mo le ono masina. E ui o loo fautuaina lenei faiga, ae ua taʻua e le faufautua a le UNICEF Regional Nutrition mo Aferika i Sasaʻe ma Saute, o loo iai pea faasalalauga sesē e faapea, “e lelei le faasusu o pepe i fagu susu e pei lava foʻi o le faasusu i le tinā.”

LE MANATU O LE TUSI PAIA: “E faatuatua le tagata ua leai se poto masani i upu uma, a o le tagata e iai le utaga mamao, e na te iloilo lelei ona laasaga.”—Faataoto 14:15.

KANATA

I suʻesuʻega na faia i Montreal, ua taʻua ai e faapea o tamaiti e pulepuletutū ma lē alolofa o latou mātua, o le 30 pasene o na tamaiti e tino puputa, nai lo o tamaiti e paleni o latou mātua i le faaalia o le alofa ma le aʻoaʻiina o i latou.

E TE SILAFIA? Ua autausagā ona taʻua i le Tusi Paia le auala e sili ona aogā mo mātua i le tausia aʻe o fanau.—Kolose 3:21.

HOLANI

Na iloa mai i se suʻesuʻega na faia i Holani i aiga e faigaluega uma mātua e toʻalua, o mātua e lē nini faatasi a latou galuega totogi ma o latou tiute tauave i le aiga, e sili atu ona lelei le auala e tali atu ai i a latou fanau, nai lo o mātua e lē faatinoina o latou tiute tauave i le aiga ona o galuega. O se faaaʻoaʻoga, o le nini faatasi o galuega ma le aiga e ala i le fai o galuega mai i le fale e faaaogā ai le telefoni pe a mānava, e ono taofia ai mātua mai i le uaʻi atu i a latou fanau e pei ona latou manaʻomia mai.

IA MAFAUFAU I AI: ʻE iai le taimi e sili ona lelei e atofaina mo mea uma.’—Failauga 3:1.

Faitau Atili

E Mafai Ona Fiafia Lou Aiga

E mafai ona e maua se faaipoipoga ma se aiga fiafia e ala i le faatatauina o mataupu silisili o le Tusi Paia.