Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

ALA MAI! SETEMA 2015

 MEA O TUTUPU I LE LALOLAGI

Tala Mai i Sasaʻe Tutotonu

Tala Mai i Sasaʻe Tutotonu

O Sasaʻe Tutotonu o se vaipanoa na matuā toʻatele tagata na nofoia i aso anamua, ma ua maua mai ai le anoanoaʻi o toega o mea tautele mai i aso anamua.

Faiga o Uaina i Kanana

I le 2013, na maua ai e tagata e suʻesuʻe i toega o mea, se potu telē i lalo o le eleele na faia ai uaina i Kanana po o le vaipanoa lea ua taʻua nei o Isaraelu, ma e pe ā ma le 3,700 tausaga talu ona iai lenei potu. Sa maua i le potu ni fagu uaina lapopoʻa e 40, ia e mafai ona teu ai uaina e maua mai i fagu uaina e 3,000 i aso nei. Sa iloilo e se tasi o tagata suʻesuʻe uaina sa totoe i nei fagu, ma iloa ai sa faia ma le faaeteete e tagata Kanana a latou uaina. Na taʻua e lenei tagata suʻesuʻe: “Sa tutusa lelei le fua o le faiga o uaina sa iai i nei fagu uaina taʻitasi.”

E TE SILAFIA? O loo taʻua i le Tusi Paia le faia o “uaina e sili ona lelei” i Isaraelu anamua, ma le teuina o uaina i fagu uaina lapopoʻa.—Le Pese a Solomona 7:9; Ieremia 13:12.

Faatuputeleina le Aofaʻi o Tagata

Ua taʻua i le nusipepa o le Guardian, e 560,000 ua sili atu ai ona toʻatele pepe na fananau i Aikupito i le 2012, nai lo o pepe na fananau i lenā lava atunuu i le 2010. Na taʻua e Magued Osman, o sē e galue i le kamupani o suʻesuʻega i Aikupito e taʻua o le Baseera: “O se tumutumuga sili lea i le talafaasolopito o Aikupito.” Ua taʻua e nisi tagata atamamai, afai e faatuputupulaʻia pea lenei faitau aofaʻi, o le a oo le atunuu i se tulaga e matuā lē lava ni vai, meaʻai, ma le eletise.

E TE SILAFIA? Ua taʻua i le Tusi Paia e finagalo le Atua i tagata ia ʻfaatumu le lalolagi,’ i se aofaʻi talafeagai e mafai ona lava lelei mea e ola ai tagata uma.—Kenese 1:28; Salamo 72:16.

Maua ni Tupe sa Teuina

E silia i le 100 tupe apa memea na maua e lata ane i se ala tele i Isaraelu, ma na tusia i na tupe le faaupuga “Tausaga Lona Fā.” O lenei tausaga o loo faasino atu i le tausaga lona fā o le fouvalega a Iutaia faasaga iā Roma (69-70 T.A.), lea na iʻu ai i le faaumatiaga o Ierusalema. Na taʻua e Pablo Betzer, o se faatonu mo ē e eliina le eleele mo suʻesuʻega: ʻE foliga mai sa iai se tagata na mataʻu i le oo mai o le iʻuga, atonu na vaai atu ua agaʻi mai le ʻautau a Roma, ona ia nanā loa lea o ana meatotino ma le faamoemoe e toe foʻi mai e avatu.’

E TE SILAFIA? I le 33 T.A., na valoia ai e Iesu o le a siʻosiʻomia Ierusalema e le ʻautau a Roma. Na ia apoapoaʻia Kerisiano ia sosola i mauga ina ia saogalemu ai.—Luka 21:20-24.