Skip to content

Skip to secondary menu

Skip to table of contents

Molimau a Ieova

Faa-Samoa

ALA MAI! SETEMA 2015

E taʻutaʻua le Vaituloto o Nicaragua i le motu lea o Ometepe, lea e lanulauʻava ma e iai mauga mū tetele e lua e sosoo faatasi i se laufanua itiiti

 ATUNUU MA TAGATA

Se Asiasiga i Nicaragua

Se Asiasiga i Nicaragua

E MASANI ona taʻua Nicaragua o le atunuu o vaituloto ma mauga mū. O loo iai i inā le vaituloto o Nicaragua, o le vaituloto lea e sili ona telē i Amerika Tutotonu. E faaigoa e tagatānuu moni lenei vaituloto o le Cocibolca, o lona uiga o le “Sami Suamalie.” E faitau selau atumotu o loo iai i lea vaituloto, ma e na o le pau lea o le vaituloto magalogalo e ola ai meaola mai i le sami e pei o malie, saʻulā ma tarpon.

O le pua (sacuanjoche) o le fugālaau lea e lauiloa ai le atunuu o Nicaragua

O Nicaragua o loo iai se tasi o vaipanoa pito i maotua o Amerika Tutotonu, e taʻua o le Mosquito Coast. O lenei vaipanoa e 40 maila lona lautele (65 km), e iai i le talafatai i sasaʻe o Nicaragua ma e agaʻi atu i le atunuu tuaoi o Honduras. O tagata Miskito (o le upu e tutusa ma le Mosquito) o se tasi o ituaiga o tagatānuu moni i Nicaragua, ma na iai nei tagata i le atunuu a o leʻi taunuu ane tagata Europa i le senituri lona 16.

O tagata Miskito e lelei tele lo latou vafealoaʻi ma tagata, ma e tuese foʻi a latou tū ma aga. O se faataʻitaʻiga, i le gagana Miskito, e leai ni a latou taʻu faaaloalo e pei o “lau susuga” po o “lau afioga.” I nuu i tua, e valaau e fanau iti tagata matutua o “Uncle” ma “Aunt,” e tusa pe e latou te aiga pe e leai. O se tū masani ua leva a Miskito, o le faafeiloaʻi lea e  se fafine o uō mamae po o tauaiga e ala i le tuu atu o lona alafau i le alafau o le isi, ma mānava i totonu i le isu le fafine na muamua faafeiloaʻi atu.

Tagatānuu moni

O lomiga faale-Tusi Paia i le gagana Mayangna ma le faa-Miskito, lomia e Molimau a Ieova