Skip to content

Skip to secondary menu

Skip to table of contents

Molimau a Ieova

Faa-Samoa

Ala Mai!  |  Nu. 4 2017

E maufaatuatuaina ma faaaloalogia se tasi e iai se igoa po o se talaaga lelei

ʻE Sili le Igoa Lelei Nai lo o le Tele o le Tamaoaiga’

ʻE Sili le Igoa Lelei Nai lo o le Tele o le Tamaoaiga’

I NISI atunuu e puipuia faaletulafono se igoa po o se talaaga lelei, ona e matuā tāua. E aofia ai le puipuia mai i tusitusiga taufaasesē (se faamatalaga pepelo ua lomia pe faasalalauina) ma tala taufaaleaga (se faamatalaga pepelo). E manatua ai se faaupuga mai anamua: “E sili le manaʻo i le igoa lelei nai lo o le tele o le tamaoaiga; e sili foʻi le taʻuleleia nai lo o le siliva ma le auro.” (Faataoto 22:1) E faapefea ona tatou maua se igoa lelei ma maufaatuatuaina i tatou e isi? E maua i le Tusi Paia fautuaga e sili ona lelei.

O se faaaʻoaʻoga, mātau faamatalaga o loo i le Salamo 15. Ina ia tali le fesili, ʻO ai e fai ma mālō i le faleʻie o le Atua?’ na tusi le faisalamo: “O le tagata e . . . fai le amiotonu e tautala foʻi o ia ma le faamaoni i lona loto. E leʻi tautala . . . i upu taufaaleaga. E na te leʻi faia se mea leaga i lana uō, e leʻi faia foʻi e ia se mea e faalumaina ai lana uō mamae. E teena e ia i latou ua inosia . . . Afai e tautō o ia i se mea e tigā ai, e lē toe suia e ia. . . . E na te leʻi talia foʻi faiga faatogafalea.” (Salamo 15:1-5) Pe e te lē maufaatuatuaina ea se tasi o loo ola i na mataupu silisili matagofie?

O se isi uiga e saosaolaumea i le maufaatuatuaina o i tatou, o le lotomaulalo. Ua taʻua i le Faataoto 15:33, “E muamua foʻi le faamaulalo i le faamamaluina.” Mātau: O lē e lotomaulalo e na te vaai i mea e manaʻomia ona faaleleia ma galue malosi ina ia faaleleia. E na te faatoese atu foʻi pe afai na ia faatigā i se tasi. (Iakopo 3:2) Ae e lē faapena le tagata faamaualuga, e vave ona ita. Ua taʻua i le Faataoto 16:18, “E muamua le faamaualuga i le paʻū, e muamua foʻi le agaga faualuga i le tautevateva.”

Ae faapefea pe afai ua faaleaga e se tasi lou igoa lelei? Po o le a e vave tali atu atonu ona o lou ita tele? Ia fesili ifo iā te oe lava, ʻPe afai ou te taumafai i le taimi lava lenā e puipuia loʻu igoa, pe e lē o lenā ua ou lagolagoina ai le faamatalaga pepelo?’ E moni o nisi taimi e manaʻomia ai ona faia gaoioiga faaletulafono. Peitaʻi, ua aumaia i le Tusi Paia lenei fautuaga atamai: “Aua neʻi e vave alu e fai se mataupu faaletulafono.” Nai lo o lea, “ia finau i lau mataupu ma lou tuaoi.” (Faataoto 25:8, 9) * O lenei fautuaga aogā e fesoasoani e faaitiitia ai le tele o tupe e faaalu i faamasinoga.

O le Tusi Paia e lē na o se tusi e faatatau i lotu. O se tusi o taʻiala maufaatuatuaina mo le olaga. O i latou e faatatauina fautuaga atamai o loo iai, e latou te atiaʻe uiga e tatau i ai le matuā faaaloalo ma saosaolaumea i le mauaina o se igoa lelei.

^ pala. 5 O nisi mataupu silisili o loo i le Tusi Paia mo le foʻiaina o feeseeseaʻiga o loo maua i le Mataio 5:23, 24; 18:15-17.

Faitau Atili

ALA MAI!

Le Tusi Paia—Aiseā e Tutasi Ai?

Aiseā ua malilie ai tagata e lamatia o latou ola ae ia faitau pe ia latou maua se Tusi Paia?