Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

ALA MAI! NU. 3 2016

 PE NA TEʻI LAVA UA IAI?

Le Ua o le Loi

Le Ua o le Loi

E MAOFA tagata popoto e faia masini i le malosi o se loi e sii ai mea e sili atu ona mamafa nai lo o lona tino. Ina ia malamalama i le malosi e gaoioi ai le loi, na faia ai e inisinia i le Iunivesite i Ohio i le Iunaite Setete ni loi faataʻitaʻi, e ala i le fai o le tino ma vaega o le loi e faaaogā ai le komepiuta. O nei loi faataʻitaʻi ia na faaaogā ai le polokalame i le komepiuta (micro CT scans), na mafai ona faaata mai ai pe e faapefea i se loi ona tauave ni mea mamafa.

O le vaega e sili ona tāua o le tino o le loi, o lona ua lea e na te tauaveina le mamafa atoa o se avega e ū i lona gutu. O le vaega vaivai o le ua lea e fesootaʻi ai lona tino ma lona ulu, e tai pei o le lokaina o tamatamaʻilima. Ua taʻua e se tagata suʻesuʻe: “O le auala na fai ai ma le fausaga e tāua tele i gaoioiga a le ua. O lea auala mataʻina e fesootaʻi ai le vaega vaivai ma le vaega malō o lona tino, atonu e faamalosia ai le fesootaʻiga ma e foliga mai o le māfuaaga autū lea e mafai ai ona tauave ni mea mamafa i lona ua. O faamoemoega o le ʻau suʻesuʻe, ia malamalama atili i le auala e gaoioi ai le ua o le loi, ina ia faaleleia ai le auala e fausia ai masini faatagata.

O le ā sou manatu? Pe na teʻi lava ua iai le ua o le loi lea e lavelave lona fausaga ma matuā malosi? Pe na foafoaina?