Skip to content

Skip to secondary menu

Skip to table of contents

Molimau a Ieova

Faa-Samoa

Ala Mai!  |  Nu. 2 2017

 MATAUPU AUTŪ | LE POGAI O FAIGA FAATAULĀITU

Fiafia i Faiga Faataulāitu

Fiafia i Faiga Faataulāitu

“Ua suia e faafiafiaga e iai faiga faatemoni ma tagata e pulea e agaga leaga, ia faafiafiaga sa faaalia ai tagata e mimitiina toto o isi tagata, tagata e liu luko, ma tagata ua feoti ae toe feola mai o ni aitu.”The Wall Street Journal.

UA AVEA o se vaaiga masani i tusi, ata tifaga, ma taaloga vitiō, le faaaogā o nisi o ē faia faiga faataulāitu, e pei o ē matutua ma talavou e faia faiga faamaneta, ma faaaogā tagata foliga aulelei e avea o ni ē mimitiina toto o isi tagata ma avea foʻi o ni faataulāitu. Aiseā ua tosina ai tagata i faiga faataulāitu?

Na tusi Claude Fischer o se polofesa tau i le vafealoaʻi ma amioga e faapea: “I tausaga talu ai nei, ua faatupulaʻia ai mai i le tasi i le sefulu i le tasi i le tolu le aofaʻi o tagata Amerika e talitonu i agaga o tagata ua feoti. Ua toeitiiti tutusa le faitau aofaʻi o talavou Amerika ma tagata matutua Amerika ua faapea mai ua latou saʻili atu i tagata vavalo, talitonu i agaga o tagata ua feoti, ma fale e temonia.”

E lē o se mea e faateʻia ai le taatele o tala e faatatau i agaga leaga e pulea olaga o tagata, ma o se tulaga e faamataʻuina ai. O le faamatalaga lea na tusia e Michael Calia i le The Wall Street Journal: “O le toe aliaʻe mai ma le faatupulaʻia o faiga faatemoni i le tele o aganuu, e māfua mai i faafiafiaga i tausaga ua mavae ia sa faaalia ai tagata e feoti ae toe feola mai o ni aitu, tagata e liu luko, ma ē mimitiina toto o isi tagata.”

Ua faamatalaina i se tasi o lipoti, “e 25 i le 50 pasene tagata i le lalolagi atoa e talitonu i agaga o tagata ua feoti, ma o se mataupu e masani ona tusia i lomiga a le tele o atunuu.” Na faaalia foʻi i se suʻesuʻega sa faia i le Iunaite Setete e Christopher Bader ma Carson Mencken o ni polofesa tau i le vafealoaʻi ma amioga, “e 70 i le 80 pasene tagata Amerika e malosi lo latou talitonuga i se ituaiga o faiga faataulāitu.”

Pe e iai se afāina o le aafia i faiga faaagaga ma faiga faataulāitu?