Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

ALA MAI! NU. 2 2016

Koke lanu moana samasama. Umī: 33 inisi (85 cm)

Lanu Aulelei o le Koke

Lanu Aulelei o le Koke

E MATAʻINA le aulelei o lanu e vaaia pe a felelei aʻe se solo o manu mai i se vaomatua. O lenei vaaiga mataʻina sa maofa ai tagata suʻesuʻe na taunuu i Amerika Tutotonu ma Amerika i Saute, i le amataga o le taufaaiʻuiʻuga o le senituri lona 15. O manu na latou vaaia, o koke, o ni manu e uumi siʻusiʻu e maua i vaipanoa māfanafana o Amerika i Mātū ma Saute. E leʻi umi ae vaaia ata o nei foafoaga matagofie i faafanua o le vaipanoa, o se faailoga o se parataiso fou ua maua.

E malolosi uma ma sesega lanu o koke tane ma koke fafine, ma e ese ai lava mai i isi manufelelei. E atamamai foʻi koke, e fiafia e faifaimea faatasi, ma e malosi ma maʻati la latou tagi. E pe ā ma le 30 koke e ō ese faatasi mai i o latou faamoega i le taeaopō, ina ia suʻe ni a latou fatu laau, o fualaau ʻaina ma isi meaʻai. O le masani a koke e faaaogā o latou matiuu e uu ai meaʻai, lea e ū i o latou gutu tetelē ma e piʻo i totonu. E mafai foʻi ona latou taʻeiina ai ni atigi malō. Pe a uma ona aai, e masani ona ō faatasi i mato po o autafa o vaitafe ma togitogi le papa, atonu ina ia aveese ai ni mea oona mai i a latou meaʻai, ma maua ai nisi mea e manaʻomia mo o latou tino.

ʻO mea uma ua faia e le Atua ia matagofie, ua faia i lona lava taimi.’—Failauga 3:11

E masani lava ona mafuta faatasi le koke tane ma le koke fafine i le olaga atoa,  ma e galulue faatasi e tausi le la fanau. E faaaogā e koke eseese pū o ogālaau, pū i autafa o vaitafe ma faaputuga palapala tetelē ina ia momoe ai, po o pū i autafa o mato ma o i inā e mafai ona vaaia ai koke tane ma koke fafine o loo faamamā e le tasi le isi. E ui lava e ono masina ua matua se koke, ae pe ā ma le tolu tausaga o nonofo pea ma ona mātua. E 30 i le 40 tausaga e ola ai se koke i le vaomatua, ae pe a tausia i se pā po o se nofoaga faapitoa e tausi ai manu, o nisi koke e ola mo le silia i le 60 tausaga. E tusa ma le 18 ituaiga o koke, ma o nisi o na ituaiga o koke o loo faaali atu i inei.

Koke e lanu meamata pito o ona apaʻau, e taʻu foʻi o le koke lanu mūmū meamata. Umī: pe tusa ma le 37 inisi (95 cm)

Koke lanu mūmū. Umī: 33 inisi (85 cm)

Koke lanu moana. Umī: pe ā ma le 39 inisi (100 cm). O le koke aupito i telē lea, ma e ono sili atu i le tolu pauna lona mamafa (1.3 kg)