Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

ALA MAI! NU. 1 2017

 PE NA TEʻI LAVA UA IAI?

Le Auala e Puipuia ai le Saharan Silver Ant Mai le Vevela

Le Auala e Puipuia ai le Saharan Silver Ant Mai le Vevela

O LE loi o le Saharan silver ant (Cataglyphis bombycina) o se tasi o meaola e mafai ona lavātia le vevela. Pe a oo ina aasa le susulu o le lā i le aoauli i le toafa o Sahara, e saʻili e manu e ʻaina le silver ant ni nofoaga paolo e malu ai. O le taimi lea e ō ese ai nei loi mai i mea o loo nonofo ai ma ō atu e saʻili ni meaʻai, lea e aofia ai isi iniseti ua mamate ona o le aasa tele o le lā.

[50] μm

Ia Mātau: O vaega tāua o le tino o le silver ant e aofia ai le vaega lea e tatalia le vevela, o ni ituaiga o lauulu ninii lea e ufiufi ai le pito i luga faapea autafa o lona tino, ae e leai ni lauulu i le pito i lalo o lona tino. O lauulu o ni mea ninii e tai pei e tafatolu o latou pito lea e māfua ai ona iila e pei o le siliva le lanu o le loi. O nei lauulu, e taʻilua o latou pito e faasaga i fafo ma e talatala, ae o le pito i totonu e mafolafola. E lua aogā o lenei vala. Muamua, e mafai ai ona lē sao i totonu le vevela o ave o le lā. Lona lua, e fesoasoani i le loi e faaitiitia le vevela o lona tino ona o lona siʻomaga. Ae i le taimi e tasi, o le vaega pito i lalo lea e leai ni lauulu, e mafai foʻi ona teena ai le vevela o le toafa ona o le lā. *

[10] μm

O le auala lea e puipuia ai le silver ant mai le vevela, e mafai ai e lona tino ona lavātia le vevela e oo atu i le 128.5 tikerī Fahrenheit (53.6°C). O lenei meaola laʻitiiti ua uunaʻia ai tagata suʻesuʻe e faia ni mea faapitoa ina ia tumau ai pea le mālū o se mea, e aunoa ma le faaaogāina o se ili po o se isi lava mea.

O le ā sou manatu? Pe na teʻi lava ua iai le auala lea e puipuia ai le Saharan silver ant mai le vevela? Pe na foafoaina?

^ pala. 4 O isi vaega tāua o lenei loi, e aofia ai polotini faapitoa o loo i lona tino e lē faigofie ona faaleagaina i le vevela, o ona vae uumi lea e lē papaʻi ai lona tino i le toafa vevela ma e saoasaoa ai lana tamoʻe, ma lona tomai ofoofogia e iloa ai le auala vave e toe foʻi ai i lona nofoaga.