Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Oketopa 2017

 AUALA E OLA AI O SE KERISIANO

Ola Ina ia Faamamaluina Ieova!

Ola Ina ia Faamamaluina Ieova!

O le ola o se meaalofa tautele. O le auala e faaaogā ai lenei meaalofa i aso taʻitasi, e iloa ai lo tatou talisapaia o lenei meaalofa. I le avea ma Molimau a Ieova, e tatou te taumafai malosi e faaaogā a tatou taleni ma tomai ina ia faamamalu ma viiviia ai Ieova, le Puna o le Ola. (Sl 36:9; Fal 4:11) Peitaʻi, o popolega i aso fai soo mai i lenei lalolagi amioleaga, e faigofie ai ona galo iā i tatou le faamuamua o mea faaleagaga. (Mar 4:18, 19) Ia fesili ifo: ʻPo o oʻu avatu moni iā Ieova le mea sili ou te mafaia? (Ho 14:2) E faapefea i laʻu galuega ona aafia ai laʻu auaunaga? O ā oʻu sini faaleagaga? E faapefea ona faalautele laʻu faiva?’ Pe a e mātauina se vala e manaʻomia ona faaleleia, ia tatalo iā Ieova e fesoasoani mai ia e faia suiga manaʻomia. E mautinoa, o le faamamaluina o Ieova e maua ai se olaga faamalieina ma fiafia!​—Sl 61:8.

O ai o loo e ofoina atu i ai au taleni?

MAIMOA I LE VITIŌ FAAAOGĀ AU TALENI MO IEOVA, ONA TALI LEA O FESILI NEI:

  • Aiseā e lē atamai ai ona faaaogā au taleni i le lalolagi a Satani? (1Io 2:17)

  • O ā faamanuiaga e maua e i latou e faia le mea sili mo Ieova?

  • O ā vala o le auaunaga paia e te manaʻo e faaaogā i ai au taleni ma tomai?