Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Oketopa 2016

 AUALA E OLA AI O SE KERISIANO

Po o E Faaaogā Lelei Pepa o Faamatalaga mo le JW.ORG?

Po o E Faaaogā Lelei Pepa o Faamatalaga mo le JW.ORG?

Talu ai ua faaloloʻi mai le puapuaga tele, ua faanatinati la le tatou galuega talaʻi. (Fat 24:11, 12, 20) Ina ia fesoasoani i tagata, e mafai ona tatou faaaogā pepa o faamatalaga ina ia tataʻi ai i latou i le Afioga a le Atua ma la tatou Upega tafaʻilagi. O loo iai i lenā pepa o faamatalaga se code e maua ai le vitiō Aiseā e Suʻesuʻe ai le Tusi Paia?, ma se valaaulia ina ia talosagaina ai nisi faamatalaga atili, pe ina ia faia se suʻesuʻega faale-Tusi Paia. O nisi tagata e lē taliaina a tatou lomiga ae e fiafia e asiasi i la tatou Upega tafaʻilagi. Aua le faatalatū e avatu i tagata le pepa o faamatalaga. Peitaʻi, aua neʻi tuuina nei pepa i se tasi e lē fiafia mai.

A o feagai ma fuafuaga o aso faisoo, ia faaosofia le naunau o se tasi e ala i le fai i ai: “E iai se mea ou te fia avatu iā te oe. O lenei pepa o faamatalaga e tataʻi ai oe i se Upega tafaʻilagi o loo maua fua ai ni faamatalaga eseese, faapea vitiō e faatatau i nisi o mataupu.” (Ioa 4:7) Talu ai e lāiti nei pepa o faamatalaga, e mafai la ona e alu ma ave ina ia tufa atu i isi i so o se avanoa e talafeagai.