Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Oketopa 2016

 AUALA E OLA AI O SE KERISIANO

Le Auala e Saunia ma Fai ai ni Tali Lelei

Le Auala e Saunia ma Fai ai ni Tali Lelei

O tali lava saunia e atiaʻe ai le faapotopotoga. (Ro 14:19) E aogā foʻi i lē o loo faia le tali. (Fat 15:23, 28) O lea, e ao ona taumafai e faia so tatou sao, a itiiti mai e tasi se tali i sauniga taʻitasi. Ae e lē o taimi uma e sii ai o tatou lima, o le a tofi ai i tatou. E lelei la pe a sauni ni au tali eseese.

O se tali e lelei e . . .

  • manino, faigofie, ma puupuu. E masani lava e 30 sekone pe itiiti ifo

  • lelei ona faaupu i au lava upu

  • lē toe faia faalua se tali ua uma ona fai

Pe a tofi muamua oe, . . .

  • ia fai se tali faigofie ma tuusaʻo i le fesili

Pe afai ua maua le tali o le fesili, e mafai ona e . . .

  • faamatala le auala e fesootaʻi ai se mau sii i le mataupu o loo talanoaina

  • taʻua le auala e faatatau ai le mataupu i o tatou olaga

  • faamatala pe e faapefea ona faaaogā manatu o loo i le mataupu

  • faamatala puupuu se mea na tupu, e faamatilatila ai manatu autū o le mataupu