Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LA TATOU FAIVA MA LE OLAGA FAA-KERISIANO–POLOKALAME MO LE SAUNIGA NOVEMA 2016

 AUALA E OLA AI O SE KERISIANO

O ā Aʻoaʻoga Mai i le Tusi Paia?—Le Auala e Faaaogā Ai

O ā Aʻoaʻoga Mai i le Tusi Paia?—Le Auala e Faaaogā Ai

E talitutusa le tusi Aʻoaʻoga Mai le Tusi Paia ma le tusi Aʻoaʻoga Moni. O nei meafaigaluega e tutusa aʻoaʻoga moni o loo iai ma le auala e faatulaga ai. Peitaʻi, o le tusi Aʻoaʻoga Mai le Tusi Paia, ua faafaigofie faaupuga ma le auala e faamalamalama ai manatu. Ua fuafuaina mo ē atonu e faigatā ona malamalama i le tusi Aʻoaʻoga Moni. O faaopoopoga i le tusi Aʻoaʻoga Mai le Tusi Paia, ua saunia ai ni faamalamalamaga faigofie o nisi o faaupuga ma manatu o loo iai i le mataupu autū. E leai ni fesili amata i lalo ifo o matua o mataupu, po o se pusa autalu. Nai lo lea, e iai i le faaiʻuga o mataupu taʻitasi, se autaluga o aʻoaʻoga moni a le Tusi Paia na faamatalaina i le mataupu autū. O le tusi Aʻoaʻoga Mai le Tusi Paia e pei foʻi o le tusi Aʻoaʻoga Moni, e mafai ona ofo i so o se taimi e tusa lava pe lē o le ofo lea o le masina. E faapefea ona tatou faaaogā vala e ese ai le tusi Aʻoaʻoga Mai le Tusi Paia, pe a fai se suʻesuʻega faale-Tusi Paia?

AUTALUGA: O le toʻatele o tagata, e fetaui ai le faiga masani o se suʻesuʻega, e faitau le palakalafa o loo iai i le tusi Aʻoaʻoga Moni ona fai lea o le fesili. Peitaʻi, seʻi faapea e lē malamalama lelei le tagata aʻoga i le gagana, pe e lē lelei foʻi le faitau. I tulaga faapena, e te ono filifili ai e faaaogā le tusi Aʻoaʻoga Mai le Tusi Paia. E mafai ona faaaogā le autaluga o le mataupu e fai ai le suʻesuʻega, ae faalaeiau le tagata aʻoga e faitau e ia lava le mataupu autū. E mafai ona talanoa i aʻoaʻoga moni a le Tusi Paia i se suʻesuʻega pe ā ma le 15 minute le umi. Talu ai e lē maua i se autaluga faamatalaga uma o loo iai i le mataupu, e tatau la i le faiaʻoga ona sauniuni lelei, ma ia mafaufau i le tulaga o le tagata aʻoga. Pe afai e fai le suʻesuʻega i le mataupu autū, e mafai ona faaaogā le autaluga e aotele ai le talanoaga.

FAAOPOOPOGA: I le faaopoopoga, e faasolosolo lelei mai ai faaupuga ma manatu, e pei o le auala o loo faasolosolo ai mataupu taʻitasi. E filifili le faiaʻoga pe talanoa i le faaopoopoga o le tusi Aʻoaʻoga Mai le Tusi Paia a o faagasolo le suʻesuʻega.