Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Mati 2016

 AUALA E OLA AI O SE KERISIANO

Ia Faafeiloaʻi a Tatou Valaaulia

Ia Faafeiloaʻi a Tatou Valaaulia

E faatalitalia o le a auai mai i le Faamanatuga, iā Mati 23, le pe ā ma le 12 miliona o tagata valaaulia pe sili atu foʻi. Maʻeu se molimau lelei o le a latou maua a o talanoaina e le failauga le meaalofa a Ieova o le togiola, ma nisi o faamanuiaga o le a maua e le fanau a tagata i le lumanaʻi! (Isa 11:6-9; 35:5, 6; 65:21-23; Ioa 3:16) Peitaʻi, e lē na o le failauga e ao ona avatuina se molimau i lenei sauniga tāua. E mafai foʻi ona fai so tatou sao e ala i le faafeiloaʻia ma le māfana o le ʻau valaaulia. (Ro 15:7) O nisi nei o fautuaga i le auala e fai ai.

  • Nai lo le ō atu loa saofafaʻi ma faatalitali i le taimi e amata ai le faamanatuga, ia tausolomua e faafeiloaʻi ē valaaulia ma tagata talaʻi ua leva e leʻi toe auai mai, i sina ataata ma se faafeiloaʻiga faaleuō

  • A o tatou uaʻi atu iā tatou tagata valaaulia, ia mataalia foʻi e faafeiloaʻi i latou ua auai mai ona sa maua se valaaulia i le taimi o le tauiviga. Ia valaaulia ē fou mai e tou te nonofo faatasi ma faaaogā faatasi lau Tusi Paia ma lau tusi pese

  • Ia faaavanoa atu lou taimi e tali ai ni fesili pe a māeʻa le sauniga. Pe afai ua vave le taimi ona o loo iai se isi faapotopotoga e faaaogāina le maota, ia fai ni fuafuaga e asia le tagata i ni nai aso mulimuli ane. Pe afai e lē o iā te oe ni faamatalaga e faafesootaʻi ai le tagata, e te ono fai atu: “Ou te fia iloa po o le ā sou manatu e faatatau i le faamanatuga. E iai se auala e mafai ona ou toe faafesootaʻi ai oe?”