Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LA TATOU FAIVA MA LE OLAGA FAA-KERISIANO–POLOKALAME MO LE SAUNIGA MATI 2016

 ʻOA TAUTELE MAI I LE AFIOGA A LE ATUA | ESETA 6-10

Sa Gaoioi Eseta ma le Lē Manatu Faapito mo Ieova ma Ona Tagata

Sa Gaoioi Eseta ma le Lē Manatu Faapito mo Ieova ma Ona Tagata
TAGA‘I
Image
Text

Sa lototele ma lē manatu faapito Eseta ina ua ia lagolagoina Ieova ma ona tagata

8:3-5, 9

  • Na saogalemu ola o Eseta ma Moretekai. Peitaʻi, o lea ua auina atu i vaega uma o le emepaea le poloaʻiga a Hamanu e fasiotia tagata Iutaia uma

  • Ua toe tuu e Eseta lona ola i se tulaga lamatia, e ala i le alu atu i le tupu ae e leʻi valaauliaina o ia. Sa tagi ma ʻaiʻoi atu mo ona tagata, ma talosaga atu i le tupu ina ia faalēaogā le poloaʻiga mataʻutia ua tuuina atu

  • O soo se tulafono ua pasia ma faamaonia i le igoa o le tupu, e lē mafai ona toe soloia. O lea, na tuu atu ai e le tupu le pule iā Eseta ma Moretekai ina ia faia ai se isi tulafono fou

Na tuu atu e Ieova i ona tagata se manumalo mataʻina

8:10-14, 17

  • Ua faia se isi poloaʻiga, ma ua tuu atu ai i tagata Iutaia le faatagaga e tau ai e puipuia i latou lava

  • Sa faavave atu tagata tiʻetiʻe solofanua i vaega uma o le emepaea, ma ua sauniuni tagata Iutaia e tau

  • E toʻatele tagata na latou vaaia le faamaoniga o le finagalo malie o le Atua i tagata Iutaia, ma avea ai loa i latou ma tagata Iutaia liulotu