Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Iuni 2017

 AUALA E OLA AI O SE KERISIANO

E Faapeʻī le Malosi o Lou Faatuatua i Folafolaga a Ieova?

E Faapeʻī le Malosi o Lou Faatuatua i Folafolaga a Ieova?

Na faamautinoa mai e Iosua ma Solomona e leʻi iʻuvale se folafolaga a Ieova. (Ios 23:14; 1Tu 8:56) O faamatalaga a nei molimau maufaatuatuaina, ua atili faamalosia ai le faavae lea e atiaʻe ai lo tatou faatuatua.2Ko 13:1; Tit 1:2.

Na faapefea ona faataunuuina folafolaga a Ieova i aso o Iosua? Maimoa ma lou aiga i le tala ʻE Leʻi Iʻuvale se Tasi o na Upu,’ ona iloilo lea o fesili nei: (1) E faapefea ona e faaaʻoaʻo i le faatuatua o Raava? (Epe 11:31; Ia 2:24-26) (2) E faapefea i le faaaʻoaʻoga a Akana ona faamaonia ai, o le lē usiusitaʻi ma le loto i ai e iʻu atu i āuga leaga? (3) E ui o tagata Kipeona o ni tagata totoa, ae aiseā na latou faasesēina ai Iosua ma osia le filemu ma Isaraelu? (4) Na faapefea ona faataunuuina moni le fetalaiga a Ieova, ina ua faamataʻuina Isaraelu e tupu e toʻalima o Amorī? (Ios 10:5-14) (5) Ua faapefea ona fesoasoani mai Ieova a o e faamuamua le Malo ma lana amiotonu i lou olaga?Mat 6:33.

Pe a tatou manatunatu i mea na faia e Ieova, i mea o loo ia faia, ma mea o le a ia faia, o le a atili faamalosia ai lo tatou faatuatua i ana folafolaga.Ro 8:31, 32.

Pe e pei lou faatuatua o le faatuatua o Iosua?