Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

LA TATOU FAIVA MA LE OLAGA FAA-KERISIANO–POLOKALAME MO LE SAUNIGA IUNI 2016

 ʻOA TAUTELE MAI I LE AFIOGA A LE ATUA | SALAMO 34-37

Ia E Faatuatua iā Ieova ma Faia Mea Lelei

Ia E Faatuatua iā Ieova ma Faia Mea Lelei

ʻAua e te matauʻa ona o i latou e faia mea e lē tonu’

37:1, 2

  • Aua neʻi avea le taulau manuia e lē tumau o tagata amioleaga, ma tulaga e faalavelavea ai oe mai i le auaunaga iā Ieova. Ia taulaʻi atu pea i sini ma faamanuiaga faaleagaga

“Ia e faatuatua iā Ieova ma faia mea lelei”

37:3

  • Ia faatuatua ma mautinoa o le a tausia oe e Ieova i so o se taimi e te fesagaʻia ai popolega ma tulaga e lē mautonu ai. O le a ia fesoasoani iā te oe e tumau ona faamaoni

  • Ia faaauau ona pisi i le taʻuina atu o le tala lelei o le Malo o le Atua

ʻIa e matuā fiafia iā Ieova’

37:4

  • Faatulaga se taimi e faitau ai le Afioga a le Atua, ia manatunatu loloto i ai, ma ia iai se sini ina ia iloa lelei Ieova

“Ia e tuuina atu iā Ieova lou ala”

37:5, 6

  • Ia maufaatuatuaina atoatoa Ieova o le a ia fesoasoani mai iā te oe, ina ia faafesagaʻia so o se faafitauli

  • Faaauau ona faaalia amioga lelei a o feagai ma teteega, sauāga, po o tuuaʻiga sesē

“Ia filemu pea i luma o Ieova ma ia matuā faatalitali atu iā te ia”

37:7-9

  • ʻAlofia le gaoioi e aunoa ma le mafaufau lelei, lea e iʻu ai ina mou atu lou olioli ma faaleagaina ai lau faiā ma Ieova

“A o ē e agamalu, e fai mo i latou le lalolagi”

37:10, 11

  • Ia saʻili le agamalu ma ia lotomaulalo, a o e faatalitali i le taimi o le a aveesea ai e Ieova faiga lē tonu uma o loo e fesagaʻia

  • Ia lagolagosua i uso talitonu, ma faamāfanafana ē o loo mafatia e ala i le faauaʻi atu o i latou i le folafolaga a le Atua mo se lalolagi fou, lea ua toeitiiti oo mai

O le a aumaia e le Malo Faa-Mesia le anoanoaʻi o faamanuiaga