Skip to content

Skip to secondary menu

Skip to table of contents

Molimau a Ieova

Faa-Samoa

LA TATOU FAIVA MA LE OLAGA FAA-KERISIANO–POLOKALAME MO LE SAUNIGA IUNI 2016

 ʻOA TAUTELE MAI I LE AFIOGA A LE ATUA | SALAMO 45-51

O le a Lē Tuulafoaʻiina e Ieova Ē ua Loto Nutimomoia

O le a Lē Tuulafoaʻiina e Ieova Ē ua Loto Nutimomoia

Na tusia e Tavita le Salamo e 51, ina ua uma ona faailoa atu iā te ia e le perofeta o Natano le matuiā o lana agasala na faia ma Patesepa. Sa ōia le lotofuatiaifo o Tavita ma sa ia lotomaulalo ma taʻutino loa lana agasala.—2Sa 12:1-14.

Sa agasala Tavita ae na mafai lava ona toe faafoʻisia lona tulaga faaleagaga

51:3, 4, 8-12, 17

  • A o leʻi salamō Tavita ma taʻutino lana agasala, sa taʻusalaina o ia e lona lotofuatiaifo ma mafatia ai

  • Sa matuā mafatia o ia ona o lona lē mauaina o le finagalo malie o le Atua, ma na pei o ia o se tagata ua nutililiia ona ivi

  • Sa naunau o ia mo se faamagaloga, ma ina ia toe faafoʻisia lona tulaga faaleagaga ma le olioli sa iai

  • Sa ia ʻaiʻoi atu ma le lotomaulalo iā Ieova e fesoasoani iā te ia ina ia toe atiaʻe se faanaunauga e usiusitaʻi

  • Sa talitonu Tavita e faamagaloina o ia e Ieova