Skip to content

Skip to secondary menu

Skip to table of contents

Molimau a Ieova

Faa-Samoa

LA TATOU FAIVA MA LE OLAGA FAA-KERISIANO–POLOKALAME MO LE SAUNIGA IANUARI 2016

 AUALA E OLA AI O SE KERISIANO

Faaleleia o o Tatou Tomai i le Faiva—Faataatia se Faavae Lelei mo se Toe Asiga

Faaleleia o o Tatou Tomai i le Faiva—Faataatia se Faavae Lelei mo se Toe Asiga

MĀFUAAGA E TĀUA AI:

E tatou te mananaʻo e toe faasūsū fatu o le upu moni na tatou totōina. (1Ko 3:6) O lea, pe a maua se tasi e faaalia le fiafia, e lelei le faatū o se fesili e talanoa i ai i le isi asiasiga e sosoo ai. O le faia faapea, o le a tulimataʻia ai e le tagata le isi a tatou talanoaga, ma faafaigofie ai foʻi a tatou sauniuniga mo le toe asiga. Pe a faia le toe asiga, ia faamatala atu i le tagata o lea ua e toe foʻi atu e tali le fesili na lāgā i le uluaʻi asiasiga.

LE AUALA E FAI AI:

  • A o sauni sau taulimaga, ia mafaufau i se fesili e te lāgā i le faaiʻuga o le talanoaga e tali i le isi au asiasiga o sosoo ai. E mafai ona faavae lau fesili i se mataupu o loo i le mekasini o e ofoina, po o se fesili e taliina i se lomiga e faia ai suʻesuʻega, lea o loo e fuafua e ofo pe a e toe foʻi e asi le tagata.

  • I le faaiʻuga o le lua talanoaga ma se tagata fiafia, ia faailoa atu lou faanaunauga e te toe fia talanoa iā te ia, ma lāgā se fesili mo le isi lua talanoaga. Pe a talafeagai, ia fesili mo faamatalaga e faafesootaʻi ai le tagata.

  • Afai e te taʻu atu i le tagata se taimi patino e te toe asiasi atu ai, e tatau la ona e tausi i au upu.—Mat 5:37.