Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Fepuari 2017

 AUALA E OLA AI O SE KERISIANO

Olioli i lo Outou Faamoemoe

Olioli i lo Outou Faamoemoe

O le faamoemoe e pei o se taula. (Epe 6:19) E fesoasoani iā i tatou e ʻalofia ai le faavaatuʻia faaleagaga pe a feagai ma peau malolosi o le sami. (1Ti 1:18, 19) O peau malolosi, e aofia ai mea e lē taulau ai le tagata lava ia, leiloloa o meatotino, maʻi faaumiumi, maliu o sē pele, po o nisi vala e luʻia ai le faamaoni.

O le faatuatua ma le faamoemoe e fesoasoani iā i tatou e taulaʻi ai pea i le taui ua folafola mai. (2Ko 4:16-18; Epe 11:13, 26, 27) O lea, tusa po o lo tatou faamoemoe o le lagi po o le lalolagi, e tatau ona faamalosia pea lo tatou faamoemoe e ala i le manatunatu i folafolaga a le Tusi Paia. Pe a oo mai faigatā, o le a faigofie ona faatumau lo tatou olioli.1Pe 1:6, 7.

MAIMOA LE VITIŌ OLIOLI I LE FAAMOEMOE, ONA TALI LEA O FESILI NEI:

  • Aiseā e lelei ai le mulimuli i le faaaʻoaʻoga a Mose?

  • O le ā le tiute tauave ua feagai ma ulu o aiga?

  • O ā mataupu e mafai ona talanoa i le Tapuaʻiga a le Aiga?

  • E faapefea i le faamoemoe ona fesoasoani iā te oe e fesagaʻia ai tofotofoga ma se uiga mautinoa?

  • O le ā o loo e tulimataʻia i le lumanaʻi?