Skip to content

Skip to secondary menu

Skip to table of contents

Molimau a Ieova

Faa-Samoa

La Tatou Faiva ma le Olaga Faa-Kerisiano–Polokalame mo le Sauniga  |  Aperila 2017

 AUALA E OLA AI O SE KERISIANO

E Mafai Ona E Faalaeiau se Kerisiano ua Lē o Toe Talaʻi

E Mafai Ona E Faalaeiau se Kerisiano ua Lē o Toe Talaʻi

I tausaga taʻitasi, e toʻatele i latou ua lē o toe talaʻi e auai i le Faamanatuga. Na amata ona latou taufetuli i le tuuga o le ola ae ua faavaivai ona o māfuaaga eseese, e pei ona taʻua i le polosiua Toe Foʻi iā Ieova. (Epe 12:1) Peitaʻi, o loo tautele pea i latou iā Ieova, o lē na faatauina mai i latou i le toto o lona Alo. (Ga 20:28; 1Pe 1:18, 19) E faapefea ona tatou fesoasoani iā i latou ina ia toe foʻi mai i le faapotopotoga?

E saʻilia e toeaina o le faapotopotoga i latou ua lē toe talaʻi ina ia fesoasoani i ai, e pei ona naunau se leoleo mamoe e saʻilia se mamoe ua sē ese mai i le lafu. (Lu 15:4-7) Ua faaalia mai ai i inei le tausiga alofa a Ieova. (Ie 23:3, 4) E lē na o toeaina e mafai ona faalaeiau i latou ua lē o toe talaʻi, e mafai foʻi e i tatou uma. O a tatou taumafaiga e faaalia le agalelei ma le alofa i ē ua lē o toe talaʻi, e faafiafiaina ai Ieova ma maua ai iʻuga lelei. (Fat 19:17; Ga 20:35) O lea, ia mafaufau i se tasi e mafai ona e faalaeiauina, ma ia faia faapea e aunoa ma le faatuai.

MATAMATA LE VITIŌ FAALAEIAU Ē UA LĒ O TOE TALAʻI, ONA TALI LEA O FESILI NEI:

  • O le ā na tausolomua Abbey e fai ina ua feiloaʻi ma se Molimau e na te lē iloa?

  • Aiseā e tatau ai ona talanoa atu i toeaina pe afai ua tatou mafaufau e fesoasoani i se tagata ua lē o toe talaʻi?

  • O ā sauniuniga na faia e Abbey ina ua toe foʻi e asiasi iā Laura?

  • Na faapefea ona faaalia e Abbey le maumauaʻi, onosaʻi, ma le alofa a o taumafai e faalaeiau Laura?

  • O le ā e aʻoaʻoina mai i le talafaatusa a Iesu o loo i le Luka 15:8-10?

  • O ā faamanuiaga na maua ona o taumafaiga tuufaatasi ina ia fesoasoani iā Laura?