Skip to content

Skip to table of contents

Faatomuaga o le Vaega 8

Faatomuaga o le Vaega 8

Na faamanuiaina e Ieova Solomona i le tele o le atamai, ma tuuina atu iā te ia le faaeaga o le fausiaina o le malumalu. Peitaʻi na faasolosolo lava ona ia tuua Ieova. Pe afai o oe o se matua, ia faamatala i lau tama pe na faapefea i tagata na tapuaʻi i atua sesē ona liliueseina Solomona mai i le Atua. Na vaeluaina le malo, ma na taʻitaʻia e tupu leaga le nuu ina ia fulitua i le tapuaʻiga moni ma tapuaʻi atu i tupua. A o faagasolo lenā vaitaimi, e toʻatele perofeta faamaoni a Ieova na sauāina ma fasiotia. Na taaʻina e le masiofo o Iesepela le malo i le itu i mātū ina ia atili ona fulitua i le tapuaʻiga moni. O se vaitaimi leaga lea i le talafaasolopito o Isaraelu. Ae sa toʻatele lava isi tagata Isaraelu sa faamaoni pea iā Ieova, e aofia ai le tupu o Iosefatu ma le perofeta o Elia.

I LENEI VAEGA

LESONA 44

Se Malumalu mo Ieova

Na talia e le Atua le talosaga a le tupu o Solomona, ma tuuina mai iā te ia faaeaga e tele.

LESONA 45

Se Malo ua Vaeluaina

Ua lē toe auauna le toʻatele o tagata Isaraelu iā Ieova.

LESONA 46

Se Tofotofoga i le Mauga o Karamelu

O ai le Atua moni? O Ieova po o Paala?

LESONA 47

Na Faamalosia e Ieova Elia

O le ā sou manatu, pe e mafai ona ia faamalosia foʻi oe?

LESONA 48

Toe Ola Mai le Tama a se Fafine ua Oti Lana Tane

Lua vavega na tutupu i le aiga e tasi!

LESONA 49

Ua Faasalaina se Masiofo Leaga

Ua fai e Iesepela fuafuaga e fasioti ai se tagata Isaraelu e igoa iā Napota, ina ia gaoi ai lana togāvine. E leʻi lilo iā Ieova le Atua lona amioleaga ma lona lē amiotonu.

LESONA 50

Puipuia e Ieova Iosefatu

Ua tatalo i le Atua le tupu lelei o Iosefatu ina ua faamataʻu mai fili o Iuta.