VAEGA 1

E Amata Mai i Taimi o Augātamā e Oo i Taimi o Faamasino

O loo iloiloina i lenei vaega nisi o faaaʻoaʻoga mataʻina o ē na faaalia le faatuatua ma le lototele, e amata mai iā Enoka seʻia oo i le perofeta o Samuelu.

Faasologa o Taimi mo le Vaega 1

O se siata e faaalia ai taimi na soifua ai tagata o le Tusi Paia faapea ata o mea iloga ua faamatalaina i le Tusi Paia.

1 ENOKA

Na Savavali o Ia ma le Atua

E pe tusa ma le lua ni auala na tū ese ai Enoka mai i tagata na latou ola faatasi. O le ā na fesoasoani iā te ia? O ā ni lesona e tatou te aʻoaʻoina mai iā Enoka e faatatau i le lototele?

2 NOA

Na Ia Taʻusalaina le Lalolagi

E faapefea ona talitutusa o tatou aso ma aso o Noa? Ia mātau pe e faapefea ona e faaaʻoaʻo iā Noa i le faaalia o le lototele i lou olaga.

3 SARA

Na Filifili o Ia Ina ia Lē Tepa i Tua

O ā auala na faaalia ai e Sara le faatuatua ma le lototele?

4 APERAAMO

Le Tagata Muamua na Tauina se Taua Amiotonu

O le ā e tatou te aʻoaʻoina mai i le nofosauni o Aperaamo e laveaʻi Lota le atalii o lona uso? O ā ni faalogona o Ieova i le lototele ma le faatuatua na faaalia e Aperaamo?

5 APERAAMO

Le Tofotofoga e Sili Ona Faigatā na Fetaiaʻi ma Ia

E faapefea ona tatou faaaʻoaʻo i le lototele o Aperaamo e usiusitaʻi i le Atua? O le ā ua tatou aʻoaʻoina mai i lenei tala e faatatau i le alofa o Ieova?

6 REPEKA

Na Siitia Atu o Ia i se Nuu e Lē Masani Ai

E mataʻina le lototele ma le faatuatua na faaalia e Repeka. O le ā e tatou te aʻoaʻoina mai i lana faaaʻoaʻoga?

7 IAKOPO

Na Lamatia Lona Ola Ina ia Puipuia ai Lona Aiga

E faapefea ona e iloa mai i le faaaʻoaʻoga a Iakopo le tāua o le finau ina ia maua le faamanuia a Ieova?

8 IOSEFA

Na Ia Teena Faaosoosoga

Ia faitau i auala e mafai ai ona fesoasoani le faaaʻoaʻoga a Iosefa iā te oe e teena faaosoosoga ma tumau e ui i luʻi.

9 SEPELA, PUʻA, AMARAMO, IOKAPETA MA MIRIAMA

“O le Faatuatua na Natia ai Mose”

E mataʻina le faatuatua ma le lototele na faaalia e fafine faatosaga, o mātua o Mose, ma lona tuafafine. E faapefea ona tatou faaaʻoaʻo iā i latou?

10 MOSE

Na Saʻo Lana Filifiliga na Fai

O le ā le filifiliga na faia e Mose ma aiseā? O le ā e te aʻoaʻoina mai i lana faaaʻoaʻoga?

11 MOSE

“Ia E Alu iā Farao”

E faapefea i mea na tutupu iā Mose ona tatou mautinoa ai o le a fesoasoani Ieova iā i tatou, e tusa pe e tatou te lagona le lē agavaa e faataunuu se tofiga mai iā te Ia?

12 KALEPO

Na Tumau ma le Faamaoni o Ia i Lona Atua

Ia mātau pe faapefea ona fesoasoani le faaaʻoaʻoga a Kalepo iā i tatou e teena ai le omiga e mulimuli i mea o loo faia e le toʻatele.

13 IOSUA

Na Mulimuli o Ia i ni Faatonuga e Lē Masani Ai

O ā faatonuga e lē masani ai na maua e Iosua mai iā Ieova? O ā ni tulaga e ono mafai ona tatou mulimuli ai i le faaaʻoaʻoga a Iosua?

14 RAAVA

Na Filifili o Ia e ʻAu ma Ieova Nai lo o Tagata o Lona Aai

O le ā e tatou te aʻoaʻoina mai i le mea na faia e Raava? Na faapefea ona faamanuiaina o ia ona o lona faatuatua ma le lototele?

15 NAOMI MA RUTA

Na La Fesagaʻia Faatasi ni Tulaga Faanoanoa

O ā auala na faaalia ai e Naomi ma Ruta le lototele? O ā lesona e mafai ona tatou aʻoaʻoina mai i la laʻua faaaʻoaʻoga?

16 PARAKO MA TEPORA

“Ta te Ō Lava”

Na maumauaʻi Parako e la te ō faatasi ma Tepora i le nofoaga o le a fai ai le taua. Po o se faailoga lenā o le palaai po o le malosi o le faatuatua?

17 IAELI

“E Sili Ona Manuia i Fafine Uma”

O loo faaauau ona aogā i aso nei le faaaʻoaʻoga lototele a Iaeli e faasaga i se fili o Ieova. Aiseā e sili atu ai ona manaʻomia i aso nei ona tatou lototetele e pei o Iaeli?

18 KITIONA

Na Lototele ma Gaoioi ma le Faaeteete

O ā tulaga atonu e manaʻomia ai ona tatou faaalia le lototele ma gaoioi ma le faaeteete?

19 IEFATA MA LONA AFAFINE

Na La Faataunuuina se Tautoga Faigatā

E faapefea ona aogā iā i tatou i aso nei le faaaʻoaʻoga a Iefata ma lona afafine?

20 SAMASONI

Na Lototele o Ia e ui i Lona Tulaga Vaivai

E ui na faia e Samasoni se mea sesē, ae o le ā e tatou te aʻoaʻoina mai i lana gaoioiga na fai mulimuli ane?

21 SAMUELU

Se Tamaitiiti na Lototele e Faailoa Atu le Feʻau Mai iā Ieova

O ā taimi e manaʻomia ai e talavou ona lototetele e faia le mea saʻo?

VAEGA 2

E Amata Mai i Aso o Tupu e Oo i le Taimi na Toe Fausia ai Ierusalema

O loo faamatalaina i lenei vaega faaaʻoaʻoga mai i aso anamua o ē na faaalia le faatuatua ma le lototele, e amata mai iā Ionatana le atalii o le tupu o Saulo, ona sosoo ai lea ma le tupu o Tavita, ae e faaiʻuina i le vaitaimi na toe foʻi atu ai tagata o le Atua mai i le ave faapagota i Papelonia ma latou toe fausia Ierusalema.

Faasologa o Taimi mo le Vaega 2

O se siata e faaalia ai taimi na soifua ai tagata o le Tusi Paia faapea ata o mea iloga ua faamatalaina i le Tusi Paia, e amata mai i aso o tupu e oo i le taimi na toe fausia ai Ierusalema.

22 IONATANA

Na Manaʻomia Ona Lototele Ina ia Avea o Ia o se Uō Faamaoni

Na faamaoni Ionatana iā Ieova ma lona tamā o Saulo. Ae e faapefea ona iloa e Ionatana po o ai e faamuamua? E faapefea ona tatou faaaʻoaʻo iā te ia?

23 TAVITA

Na Tau o Ia ma se Tagata Tino Ese

Na lauiloa Tavita “o se tagata toa malosi e lototele.” Na faapefea ona faalaeiauina isi i lana faaaʻoaʻoga? O ā aafiaga i isi ona o lou faaalia o le lototele?

24 APIKAILA

Na Feagai o Ia ma ni Tamāloloa se Toʻalua ua Feita

O le ā e mafai ona aʻoaʻoina e avā ma tane mai i le tala iā Apikaila?

25 TAVITA

Na Lototele Ona o le Mulimuli i Lona Lotofuatiaifo

Na maua e Tavita le avanoa e tauimasui ai i lona fili. Ae o le ā na taofia ai o ia? E faapefea ona tatou mulimuli i lana faaaʻoaʻoga?

26 NATANO

Na Ia Aʻoaʻia le Tupu

O le ā ua tatou aʻoaʻoina mai i le faaaʻoaʻoga a Natano i le auala e fesoasoani ai i se uō ua faia se mea sesē matuiā?

27 MEFIPOSETA

E Na te Leʻi Teulotoina le Ita

O ā ni lesona faalaeiau e tatou te aʻoaʻoina mai iā Mefiposeta?

28 ASA

Na Tuutoina Atu Atoatoa o Ia iā Ieova “i Lona Olaga Atoa”

O ā ni lesona e mafai ona tatou aʻoaʻoina mai i se tane na atoatoa lona loto iā Ieova?

29 ELIA

“O Ieova o Loʻu Atua”

O le ā na fesoasoani iā Elia e foʻia ai ona faalogona fefe?

30 LE FAFINE SAREFATA UA OTI LANA TANE

Na Ia Faaalia le Lototele e ui i Tulaga Faigatā

E faapefea i le tala e faatatau i lenei fafine ona faalaeiauina ai i tatou e faatuatua iā Ieova?

31 LE TEINEITIITI ISARAELU

Ua Tautala Atu ma le Lototele se Teineitiiti Pologa

O le faaaʻoaʻoga a lenei teineitiiti e mafai ona faalaeiauina ai oe, e molimau atu i isi e ui i ou faalogona fefe.

32 ELISAIA

“Ieova e, ia E Faapupula i Ona Mata”

E faapefea ona tatou maua le lototele i le iloa o loo latalata mai agelu e fesoasoani iā i tatou?

33 IOIATA

Na Ia Puipuia le Tupu

O le ā le gaoioiga lototele na faia e Ioiata? O ā auala e mafai ona e faaaʻoaʻo ai iā Ioiata i le faaalia o le lototele i lou olaga?

34 ESEKIA

“Ua Pipii Pea o Ia iā Ieova”

Na matuā lototele Esekia ma faaalia le faatuatua malosi. E faapefea ona tatou faaaʻoaʻo iā te ia i aso nei?

35 MANASE

Na Lototele o Ia e Salamō

Aiseā e mafai ai ona taʻua Manase o se faaaʻoaʻoga lelei o le lototele?

36 IOSIA

Na Ia Fesoasoani i le Nuu e Toe Foʻi iā Ieova

E ui i tulaga faigatā na fesagaʻia e Iosia a o laʻitiiti, ae na ia faaalia lona matuā lototele e tū atu mo le tapuaʻiga moni. O ā auala e tatou te faaaʻoaʻo ai iā te ia?

37 TANIELU

ʻUa Maumauaʻi Ina ia Lē Leaga o Ia i Taumafa’

O ā auala e faaaʻoaʻo ai talavou i le lototele ma le faamaoni o Tanielu? O ā ni aogā e tatou te maua mai i lana faaaʻoaʻoga?

38 TALAVOU EPERU E TOʻATOLU

Na Latou ʻTaofia le Malosi o le Afi’

Na lototetele talavou Eperu e toʻatolu e ui ina faamataʻu i le oti. O le ā e tatou te aʻoaʻoina mai i lo latou lotomaulalo, agamalu ma le faamaoni?

39 ESETA

“Afai Ou te Oti ai, ia Oti ai Pea”

Na usiusitaʻi Eseta ma faaalia le atamai. Na faalogologo lelei atu iā te ia lana tane lē talitonu. O le ā e tatou te aʻoaʻoina mai i lana faaaʻoaʻoga?

40 NEEMIA

Na Ia Toe Fausia le Pā

O le ā e tatou te aʻoaʻoina mai i le faaaʻoaʻoga a Neemia e faatatau i le faatele o so tatou sao i le auaunaga iā Ieova? E faapefea ona faaaʻoaʻo toeaina i lana faaaʻoaʻoga?

VAEGA 3

O Taimi o le Mesia ma Ona Soo

O loo faamatalaina i lenei vaega faaaʻoaʻoga a tane ma fafine i le uluaʻi senituri o ē na faaalia le faatuatua ma le lototetele, e aofia ai le taupou Iutaia o Maria ae faaiʻu i le faaaʻoaʻo a le aposetolo o Ioane.

Faasologa o Taimi mo le Vaega 3

O se siata e faaalia ai taimi na soifua ai tagata o le Tusi Paia o loo faamatalaina i le Vaega 3. O loo faamatilatila ai foʻi mea iloga na tutupu mai i le taimi o le Mesia seʻia oo i toe taimi o le aposetolo o Ioane.

41 SAKARIA MA ELISAPETA

ʻAmiotonu i Luma o le Atua’

Aiseā na silasila ai Ieova iā Sakaria ma Elisapeta o ni ē e amiotonu? E faapefea ona tatou faaaʻoaʻo iā i laʻua?

42 MARIA

Na Lototele o Ia e Talia se Tofiga e Sili Ona Faigatā

Na maua e Maria se tofiga e sili ona faigatā. Na faapefea ona ia maua le lototele e faataunuu ai?

43 IOSEFA

Na Ia Tauaveina le Avega

E faapefea ona avea Iosefa ma faaaʻoaʻoga lelei mo tamā Kerisiano i aso nei?

44 IOANE LE PAPATISO

ʻE Leai se Tasi na Fanau Mai e Sili iā te Ia’

O Ioane o se tagata lototele na ola i se olaga faigofie. Ia faitau i ni lesona e tatou te aʻoaʻoina mai iā te ia.

45 PETERU

“O Aʻu o se Tagata Agasala”

O le ā e tatou te aʻoaʻoina mai iā Peteru i le auauna pea iā Ieova, e ui ina tatou tauivi ma se vaivaiga?

46 MARIA LE MAKATALA

“Ua Ou Vaai i le Alii!”

Na faaaogā e Maria lona malosi e fesoasoani ai iā Iesu ma ona soo. E faapefea ona tatou faaalia le lototele ma le lē manatu faapito e pei o ia?

47 MARIA LE TUAFAFINE O LASALO

“Ua Ia Faia le Mea Na te Mafaia”

Na viiviia e Iesu le faatuatua ma le lototele o Maria le tuafafine o Lasalo. O ā auala na ia faaalia ai le lototele? E faapefea ona tatou faaaʻoaʻo iā te ia i aso nei?

48 SETEFANO

“Ua Tumu i le Faatuatua ma le Agaga Paia”

Na faia le faamasinoga o Setefano e iloa ai pe e faasala o ia i le oti. Na faapefea ona ia puipuia lona faatuatua? E faapefea i lana faaaʻoaʻoga ona faalaeiauina ai i tatou e tutumau ma le faamaoni?

49 PETERU

Na Avea o Ia e Pei o se Papa

E faapefea ona fesoasoani le faaaʻoaʻoga a Peteru iā i tatou e faalagolago iā Ieova ma taulima o tatou faalogona fefe?

50 SAULO O TASO

Na Suia Lona Mafaufau

O le ā na uunaʻia ai se tasi na matuā sauāina Kerisiano e liliu ma salamō? O le ā e tatou te aʻoaʻoina mai i lana faaaʻoaʻoga?

51 PANAPA

Le “Atalii o Faamāfanafanaga”

Na fesoasoani ma le lototele Panapa iā Saulo, ma avatu o ia i le ʻauaposetolo. E faapefea ona tatou faaaʻoaʻo i lona lototele, ma lona naunau e auauna atu i isi?

52 MAREKO

“E Aogā o Ia iā te Aʻu”

O le lototele o Mareko na faaauau ai i lana auaunaga ma fesoasoani i le ʻauuso, e ui na aveesea se tasi o ona faaeaga. O le ā e tatou te aʻoaʻoina mai ai?

53 PAULO

“Ou te Fautua Atu iā te Outou Ina ia Lototetele”

Na faapefea ona faaalia e le aposetolo o Paulo le lototele i se tulaga na foliga mai ua leai se faamoemoe? Na faapefea ona fesoasoani lona faaalia o le lototele i isi?

54 APOSETOLO O IOANE

Na Lototele o Ia e ui i se Vaitaimi Pogisa

E ui i tulaga faigatā na tofotofoina ai lona faatuatua, ae na faaalia pea e le aposetolo o Ioane le lototele. E faapefea ona tatou mulimuli i lana faaaʻoaʻoga ma lototetele pea e savavali ma le Atua?

UPU FAAIʻU

“Ia Tatou Lototetele”

O loo taʻua i le Tusi Paia le tele o faaaʻoaʻoga o tane ma fafine, o talavou ma ē matutua na lototetele e lagolagoina le itu a Ieova. E aogā a latou faaaʻoaʻoga mo i tatou i aso nei.

Faavaa Pito i Totonu