Tatalo a o sauniuni ma ia sauniuni lelei. Ia tatalo mo le fesoasoani e taulaʻi atu ai i lau mataupu nai lo o oe lava. Ia mautinoa i manatu autū o loo e manaʻo e faamatilatila. Ia faamatala manatu i au lava upu, ae aua le faamatalaina i le auala o loo tusia ai.

Tautala mai i le loto. Ia mafaufau i le māfuaaga e manaʻomia ai ona faalogo lau aofia i lau mataupu, ma uaʻi atu iā i latou. O le faia faapea o le a mafai ona faailoa atu i le auala e te tū ai, o au tāga, ma ou foliga vaaia ou faalogona māfana ma faaleuō.

Taulaʻi atu i lau aofia. Ia fesootaʻi e ala i le vaai e aunoa ma le faatigā i lau aofia. Pe a faia se lauga, ia vaavaai atu i tagata taʻitoʻatasi nai lo o se vaega atoa.