Alu i mataupu o loo iai

Alu i le lisi o mataupu

Upu Tomua

Upu Tomua

 Upu Tomua

ASO taitasi, ua fesagai ai tagata ma faaiuga e faavae a‘e i mataupu silisili e faatatau i le soifua maloloina: le fesuiaiga o totoga, le faapa‘ū tama, ma le “aiā tatau e filifili ai i le oti.” E faamoemoe, o le a lē taitai ona lua fetaiai ma na faafitauli.

E ui i lea, e iai se tasi finauga ua manaomia ona e ua‘i atu i ai: Pe mafai faapefea ona faaaogā le toto e faasaoina ai le ola?

Ona o ni mafuaaga lelei, ua fesili ai le toatele o tagata i aso nei, ‘E faapeī le saogalemu o tuigā toto?’ Peitai, o lenei mea e sili atu nai lo se finauga faafoma‘i. Ua faasalalauina tala e aafia ai Molimau a Ieova. Po o e tau manatunatu ea i le pogai ua mumusu ai nei tagata e taliaina le toto, o ē o loo latou amanaia mataupu silisili lelei, e talitonu i le aogā o faiga faafoma‘i lelei?

E pei ona o le a e tagai nei i ai, o mataupu faafoma‘i ma mataupu tau amio e uiga i le faaaogaina o le toto, e fesootai tuusa‘o ma le auala e mafai ona e faasaoina ai le mea totino e sili ona tāua ia te oe: O LE OLA.