Teuteronome 33:1-29
33 O le faamanuiaga lenei na faamanuia atu ai Mose, le tagata o le Atua moni i le fanauga a Isaraelu, a o leʻi maliu o ia.+
2 Ua ia fai atu:
“Na afio mai Ieova mai i Sinai,+Na susulu mai o ia i luga o i latou mai i Seira.
Na susulu mai lona mamalu mai i vaega maugā o Parana,+Na faatasi ma ia le faitau sefulu afe* o le ʻaupaia,+I lona aao taumatau na iai ana ʻautau.+
3 Na alofa o ia i lona nuu;+Ua i ou aao o latou ʻaupaia uma.+
Na nonofo i latou i ou vae;+Ona latou faalogo ai lea i au afioga.+
4 (Na tuuina mai e Mose iā i tatou se tulafono,+O le tofi lea mo le faapotopotoga o Iakopo.)+
5 Na fai o Ia ma tupu i Iesuruna,*+Ina ua faapotopoto faatasi ulu uma o le nuu,+Faatasi ai ma ituaiga uma o Isaraelu.+
6 Ia ola pea Reupena ae aua neʻi oti,+Aua foʻi neʻi faatoʻaitiitia ona tagata.”+
7 Ua ia faailoa mai lenei faamanuiaga iā Iuta:+
“Ieova e, ia e faafofoga i le leo o Iuta,+Tau ina ia e aumaia o ia i lona nuu.
Na puipuia e ona lima ana mea,*Tau ina ia e fesoasoani iā te ia e faasagatau i ē e tetee atu iā te ia.”+
8 Ua ia faapea atu e tusa ai ma Levi:+
“O lau* Tumema ma lau Urima+ o mea ia a le tagata ua faamaoni iā te oe,+O lē na e tofotofoina i Mase.+
Na e finau ma ia i vai o Meripa,+
9 O le tagata na fai atu i lona tamā ma lona tinā, ‘Ou te leʻi manatu iā i laʻua.’
E oo foʻi i ona uso e na te leʻi amanaʻia,+E leʻi ano foʻi o ia i ona atalii.
Auā na latou tausia au afioga,Ma na latou tausia foʻi lau feagaiga.+
10 Ia latou aʻoaʻo atu iā Iakopo e tusa ma iʻuga o au faamasinoga+Ma Isaraelu foʻi e tusa ma lau Tulafono.+
Ia latou faamū mea manogi mo oe+Ma se taulaga atoa i luga o lou fata faitaulaga.+
11 Ieova e, ia e faamanuia lona malosi,Tau ina ia e fiafia i galuega a ona lima.
Ia tuʻimomomoina vae* o i latou e tetee atu iā te ia,Ina ia lē toe tetee mai ē e ita iā te ia.”
12 Ua ia faapea atu e tusa ai ma Peniamina:+
“O le pele a Ieova, ia nofo ma le saogalemu faatasi ma ia;A o ia faamalumalu iā te ia i le aso atoa,E nofo o ia i le vā o ona tauʻau.”
13 Ua ia faapea atu e tusa ai ma Iosefa:+
“Tau ina ia faamanuiaina e Ieova lona fanua+Faatasi ma mea e sili ona lelei mai i le lagi,Ma le sau ma vai mai i lalo o le laueleele,+
14 Ma mea e sili ona lelei e tutupu mai ona o le lā,Ma mea e sili ona lelei e selesele i masina taʻitasi,+
15 Atoa ma mea e sili ona lelei mai i mauga o le vavau,*+Ma mea e sili ona lelei mai i aʻega ia e tumau pea,
16 O mea foʻi e sili ona lelei o le laueleele ma mea uma ua tumu ai,+Ma le finagalo malie o Lē na nofo i le laau tuitui.+
Tau ina ia oo mai ia mea i luga o le ulu o Iosefa,I luga o le tumuaʻi o lē na filifilia mai i ona uso.+
17 O lona matagofie e pei o se povi poʻa ulumatua,O ona seu, o seu o se povi poʻa o le vao.
E na te sua ai tagata i ona seu,O i latou uma e oo lava i tuluʻiga o le lalolagi.
O mea ia o le faitau sefulu afe o Efaraima,+O mea foʻi ia o le faitau afe o Manase.”
18 Ua ia faapea atu e tusa ai ma Sepulona:+
“Sepulona e, ia e olioli i lou alu atu,Ma oe Isakara e, i totonu o ou faleʻie.+
19 E la te valaau tagata ia ō atu i le mauga.
O i inā e latou te faia ai taulaga o le amiotonu.
Auā e la te maua* le tele o le tamaoaiga mai i le samiMa oloa ua lilo i le oneone.”
20 Ua ia faapea atu e tusa ai ma Kato:+
“E manuia lē e na te faalauteleina tuaoi o Kato.+
E taoto o ia i inā e pei o se leona,E sauni e saeia le lima, atoa ma le ulu.
21 E na te filifilia le fanua e sili ona lelei mo ia lava,+Auā o i inā ua taofia ai le tofi o lē e faitulafono.+
E faapotopoto mai ulu o le nuu.
E na te faaooina atu lava le amiotonu a Ieova,Ma iʻuga o ana faamasinoga e tusa ma Isaraelu.”
22 Ua ia faapea atu e tusa ai ma Tanu:+
“O Tanu o le tamaʻi leona.+
E oso mai o ia mai i Vasana.”+
23 Ua ia faapea atu e tusa ai ma Nafatali:+
“Ua lotomalie Nafatali ona ua taliaina o iaMa ua tumu i faamanuiaga mai iā Ieova.
Ia fai mo ia le itu i sisifo ma le itu i saute.”
24 Ua ia faapea atu e tusa ai ma Asera:+
“Ua faamanuiaina Asera i ni atalii.
Tau ina ia fiafia ona uso iā te ia,Ma ia fufui* ona vae i le suāuu.
25 O le uʻamea ma le ʻapamemea o loka ia o lau pā,+Ma o le a e saogalemu i ou aso uma.*
26 E leai se tasi e tusa ma le Atua moni+ o Iesuruna,+O lē e tiʻetiʻe i le lagi e fesoasoani iā te oe,E tiʻetiʻe foʻi i luga o ao i lona mamalu.+
27 O le Atua o le lafitaga mai anamuā,+O loo i ou lalo ifo ona aao o le faavavau.+
E na te tuliesea foʻi ou fili mai i ou luma,+Ma o le a fetalai mai o ia, ‘Ia faaumatia i latou!’+
28 E nofo Isaraelu ma le saogalemu,Ma o le a malupuipuia le vaipuna o IakopoI se laueleele o fatu ma uaina fou,+O lona lagi foʻi e totō ifo ai le sau.+
29 Isaraelu e, ua fiafia oe!+
O ai se tasi e pei o oe,+O le nuu ua olioli i le faaolataga a Ieova,+O lau talita e puipuia ai oe+Ma lau pelu mamalu?
E gatete ou fili i ou luma,+A o oe e te solia o latou tua.”*
Faamatalaga Pito i Lalo
^ Po o “le mano ni mano.”
^ Lona uiga “O Lē ua Amio Saʻo,” o se taʻu e aloaʻia mo Isaraelu.
^ Po o le “Na tauivi malosi o ia i ona lima mo ana mea.”
^ E faasino atu i le Atua.
^ Po o “sulugātiti.”
^ Pe atonu “i mauga i le itu i sasaʻe.”
^ Epe., “mitiia.”
^ Po o le “fufulu.”
^ Epe., “Ma e pei ou aso o lou malosi.”
^ Pe atonu “a latou mea maualuluga.”
