Tanielu 5:1-31

  • O le ʻaiga na faia e le tupu o Pelesara (1-4)

  • Le tusitusiga i le puipui (5-12)

  • Ua talosaga atu iā Tanielu e faamatala le uiga o le tusitusiga (13-25)

  • Le uiga o le miti: O le a paʻū Papelonia (26-31)

5  Ua faia e le tupu o Pelesara+ se ʻaiga tele mo le toʻaafe o ona alii sili, ma ua inu o ia i le uaina i luma o i latou.+  Ona ua pulea Pelesara e le uaina, ua ia faatonu atu ai ina ia aumai ipu auro ma ipu siliva na aveesea e lona tamā o Nepukanesa mai i le malumalu sa i Ierusalema,+ ina ia feinu ai le tupu, o ona alii sili, o isi ana avā, atoa ma ana palake.  Ona latou aumaia lea o ipu auro na aveesea mai i le malumalu o le fale o le Atua i Ierusalema, ma ua feinu ai mai i ia ipu, o le tupu, o ona alii sili, o isi ana avā atoa ma ana palake.  Ua latou feinu i le uaina ma ua latou vivii atu i atua e faia i auro, o siliva, o ʻapamemea, o uʻamea, o laau, ma maa.  I lea lava taimi, ua aliali mai ai ni tamatamaʻilima o se tagata ma ua tusitusi i le simā o le puipui o le maota o le tupu, lea e feagai ma le tuugāmolī, ma ua silasila atu foʻi le tupu i le lima o loo tusitusi.  Ona sesega ai lea* o fofoga o le tupu, ua fefe o ia ona o ona mafaufauga, ma ua tetete ona suilapalapa,+ ua fetoʻai foʻi ona tulivae.  Ua valaau leotele atu le tupu e aami mai o ē e valaau i ē ua oti, o le ʻau Kaletaia,* ma ē e saʻiliʻili i fetu.+ Ua faapea atu le tupu i tagata atamamai o Papelonia: “O so o se tasi e na te faitauina lea tusitusiga ma faamatala mai iā te aʻu lona uiga, o le a faaofu o ia i le ofu violē, e asoa o ia i le filifili auro,+ ma e avea o ia ma pule lona tolu i le malo.”+  Ona ō mai ai lea o tagata atamamai uma a le tupu, ae e leʻi mafai ona latou faitauina le tusitusiga pe faamatala atu le uiga i le tupu.+  Ona matuā fefe ai lea o le tupu o Pelesara ma ua sesega ona fofoga; ua fememeaʻi foʻi ona alii sili.+ 10  Ua ulufale mai le masiofo* i le potu o loo fai ai le ʻaiga ona ua faalogo i upu a le tupu ma ona alii sili. Ua faapea mai le masiofo: “Le tupu e, ia soifua oe e faavavau. Aiseā ua sesega ai ou fofoga? E leai se māfuaaga e te fefevale ai. 11  O loo iai se tagata* i lou malo ua iai le agaga o atua paia. I aso o lou tamā,* na iai i lea tagata le malamalama, o le tofā mamao ma le atamai e pei o le atamai o atua.+ Le tupu e, na tofia o ia e lou tamā o Nepukanesa le tupu, e fai ma pule o ositaulaga e faia faiga faaagaga, o ē e valaau i ē ua oti, o le ʻau Kaletaia,* ma ē e saʻiliʻili i fetu;+ na faia e lou tamā lenei mea. 12  Auā o Tanielu, o lē na faaigoa e le tupu iā Peletisara,+ na maoaʻe lona atamai ma le poto ma le tofā mamao e faamatala ai uiga o miti, o le faamatalaina o tupua, ma le faamatalaina o mea faigatā.*+ O lea, ia aami iā Tanielu ina ia faailoa mai e ia le uiga o ia mea.” 13  Ua aumaia Tanielu i luma o le tupu. Ona fesili atu lea o le tupu iā Tanielu: “Po o oe o Tanielu lea na aumaia faapagota mai i Iuta,+ o lē na aumaia e loʻu tamā le tupu mai i Iuta?+ 14  Ua ou logotala ua iā te oe le agaga o atua,+ ma ua iā te oe foʻi le malamalama, o le tofā mamao, ma e maoaʻe lou atamai.+ 15  Ua uma ona aumaia i oʻu luma o tagata atamamai, ma ē e valaau i ē ua oti ina ia latou faitau lea tusitusiga ma faamatala mai lona uiga iā te aʻu, ae ua lē mafaia e i latou ona faamatala mai le uiga o le feʻau.+ 16  Ae ua ou logotala e faatatau iā te oe, e mafai ona e faamatalaina uiga o mea+ ma faamatalaina mea faigatā.* O lenei, afai e mafai ona e faitauina le tusitusiga ma faamatala mai iā te aʻu lona uiga, o le a faaofu oe i le ofu violē, e te asoa foʻi i le filifili auro, ma e avea oe ma pule lona tolu i le malo.”+ 17  Ua tali mai Tanielu i le tupu: “Ia tuu pea iā te oe au meaalofa, ma avatu au taui i isi tagata. Ae o le a ou faitauina le tusitusiga i le tupu, ma o le a ou taʻu atu iā te ia le uiga. 18  O oe le tupu e, na tuuina mai e le Atua Silisili Ese iā Nepukanesa lou tamā le malo, o le tulaga taʻutaʻua, o le viiga, ma le mamalu.+ 19  Ona o lona taʻutaʻua lea na maua mai iā te Ia, na matuā gatete ma fefefe ai nuu uma, o atunuu ma gagana i ona luma.+ Na ia fasiotia pe faasaoina so o se tasi na ia finagalo i ai, na ia faaeaina pe faamāina foʻi so o se tasi na ia finagalo i ai.+ 20  Ae ina ua faualuga o ia ma ua maaa foʻi lona loto, na ia gaoioi faamaualuga ai,+ ona aveesea lea o ia mai i le nofoālii o lona malo, na aveesea foʻi lona mamalu mai iā te ia. 21  Na tuliesea o ia mai i le fanau a tagata, ma na avea lona loto e pei o le loto o se manu, na nofo faatasi o ia ma asini o le vao. Na ia ʻai i le vao e pei o povi poʻa, na susū foʻi lona tino i le sau o le lagi, seʻia oo ina iloa e ia o le Atua Silisili Ese o le Pule i malo o tagata, ma e na te tofia e pule ai lē ua ia finagalo i ai.+ 22  “A o oe, Pelesara lona atalii, e ui ina e silafia ia mea uma, ae e leʻi faamaulalo lou loto. 23  Nai lo o lea, ua e faualuga lava ma tetee atu i le Alii o le lagi,+ ma ua e faatonuina i latou e aumai iā te oe ipu o lona fale.+ Ona outou feinu ai lea i le uaina mai i ia ipu, o oe ma ou alii sili, o isi au avā ma au palake, ua e vivii atu foʻi i atua ua faia i le siliva, o auro, o ʻapamemea, o uʻamea, o laau, ma maa; o atua ia e lē vāai i se mea, pe e faalogo i se mea, pe e iloa se mea.+ Ae ua e lē faamamaluina le Atua o lē ua i lona aao lau mānava,+ ua iā te ia foʻi ou ala uma. 24  O lea, sa auina mai e le Atua le lima ma māfua ai ona tusia lenei tusitusiga.+ 25  O le tusitusiga lenei na tusia: MENE, MENE, TEKELE, ma UPERESA. 26  “O le uiga lenei o upu: MENE, ua faitaulia e le Atua aso o lou malo ma ua faamutaina.+ 27  “TEKELE, ua fuaina oe i le fua faatautau ma ua matuā lē atoa. 28  “PERESA, ua vaeluaina lou malo ma ua tuuina atu iā Metai ma Peresia.”+ 29  Ona avatu lea e Pelesara le faatonuga, ma ua latou faaofu iā Tanielu i le ofu violē, ma faaasoa iā te ia i le filifili auro; ua latou faasilasila atu foʻi o le a avea o ia ma pule lona tolu i le malo.+ 30  Sa fasiotia i lea lava pō Pelesara le tupu o Kaletaia.+ 31  Ua maua foʻi e Tariu+ le Metai le malo; e tusa ma le 62 ona tausaga.

Faamatalaga Pito i Lalo

Po o le “Ona liua lea.”
E faasino atu i se vaega e tomai i valovaloga faataulāitu ma saʻili i fetu.
E foliga e faasino atu i le tinā o le tupu.
Po o “se tagata agavaa.”
Atonu e uiga atu “i le tamā o lona tinā” po o “lē na muamua atu iā te ia.” Tagaʻi foʻi i le fuaiupu e 13 ma le 18.
E faasino atu i se vaega e tomai i valovaloga faataulāitu ma saʻili i fetu.
Ara., “tatalaina o nonoa.”
Ara., “tatalaina nonoa.”