Salamo 99:1-9
99 Ua fai Ieova ma Tupu.+ Ia atuatuvale nuu.
O loo afio o ia i luga* o kerupi.+ Ia gatete le lalolagi.
2 E silisili Ieova i Siona,E maualuga foʻi o ia i nuu uma.+
3 Ia latou vivii atu i lou suafa sili,+Auā e ofoofogia ma paia.
4 O ia o le tupu malosi e fiafia i le faamasinotonu.+
Ua e matuā faamausalīina le amio saʻo.
Ua e faia le faamasinotonu ma le amiotonu+ iā Iakopo.
5 Ia outou faaeaina Ieova lo tatou Atua+ ma ifo* atu i le mea e tū ai ona aao;+E paia lava o ia.+
6 Sa iai Mose ma Arona faatasi ma ana ositaulaga,+Sa iai foʻi Samuelu faatasi ma i latou na valaau i lona suafa.+
Na latou valaau atu iā Ieova,Ma na ia faafofoga mai iā i latou.+
7 Na fetalai mai o ia iā i latou i le ao faaniutū.+
Na latou tausia ana faamanatuga ma ana poloaʻiga na tuu mai iā i latou.+
8 Ieova e, lo matou Atua, na e tali atu iā i latou.+
O oe o le Atua na e faamagaloina i latou,+Ae na e faasala i latou* ona o a latou agasala.+
9 Ia outou faaeaina Ieova lo tatou Atua+Ma ia outou ifo* atu i luma o lona mauga paia,+Auā o Ieova lo tatou Atua e paia lava o ia.+
Faamatalaga Pito i Lalo
^ Pe atonu “i le vā.”
^ Po o le “tapuaʻi.”
^ Epe., “tauimasui iā i latou.”
^ Po o le “tapuaʻi.”
