Salamo 97:1-12
97 Ua fai Ieova ma Tupu!+
Inā olioli ia le lalolagi.+
Ia fiafia foʻi le tele o motu.+
2 Ua siʻomia o ia e ao ma le pogisa tele;+O le amiotonu ma le faamasinotonu, ua faavae ai lona nofoālii.+
3 Ua muamua i ona luma le afi+Ma faaumatia ai ona fili i itu uma.+
4 O ona uila ua faamalamalama ai le laueleele;Ua iloa e le lalolagi, ona gatete ai lea.+
5 Ua liusuāvai mauga e pei o le gaʻo* i luma o Ieova,+I luma o le Alii o le lalolagi uma.
6 Ua taʻutaʻu mai e le lagi lana amiotonu,Ua vāai foʻi tagata uma i lona mamalu.+
7 Ia māsiasi i latou uma e tapuaʻi atu i se tupua ua tā,+O i latou ia o loo mitamita e faatatau i o latou atua e lē aogā.+
O outou atua uma, ia ifo* atu iā te ia.+
8 Ua faalogo i ai Siona ma olioli ai;+Ua olioli foʻi tamaʻi aai o* IutaOna o au faamasinoga, Ieova e.+
9 Auā o oe Ieova e, o Lē e Silisili Ese i le lalolagi uma;Ua silisili ona faaeaina oe i isi atua uma.+
10 O outou o ē e alolofa iā Ieova, ia outou ʻinoʻino i le leaga.+
O loo ia leoleoina ola o ona tagata faamaoni;+E na te laveaʻiina i latou mai i lima* o ē e amioleaga.+
11 Ua susulu atu le malamalama mo ē e amiotonu,+Ma olioli ai o ē ua saʻo o latou loto.
12 O outou o ē e amiotonu, ia olioli iā Ieova,Ia outou avatu le faafetai i lona suafa paia.*
Faamatalaga Pito i Lalo
^ E foliga mai o le gaʻo lea e maua mai i lagomeli.
^ Po o le “tapuaʻi.”
^ Epe., “le fanau teine a.”
^ Po o “le malosi.”
^ Epe., “lana faamanatuga.”
