Salamo 95:1-11
95 Ō mai ia, ia tatou alalaga fiafia atu iā Ieova!
Ia tatou alalaga atu ma le manumalo i le Papa o lo tatou faaolataga.+
2 Ia tatou ō atu i ona luma* ma le faafetai;+Ia tatou pepese ma alalaga atu iā te ia i le manumalo.
3 Auā o Ieova o le Atua sili ia,O le Tupu sili i lo o isi atua uma.+
4 O loo i lona aao mea loloto o le lalolagi;O ia foʻi e ona tumutumu o mauga.+
5 O ia e ona le sami na ia faia,+O ona aao foʻi na faia ai le laueleele mātūtū.+
6 Ō mai ia, seʻi o tatou tapuaʻi ma ifo atu;Ia tatou tootutuli atu i luma o Ieova o Lē na faia i tatou.+
7 Auā o ia o lo tatou Atua,O i tatou foʻi o le nuu ua ia fafagaina,O le lafu mamoe o loo ia tausia.*+
O le aso nei, afai e tou te faalogo i lona siʻufofoga,+
8 Aua neʻi faamaaa o outou loto e pei ona faia i Meripa,*+E pei foʻi o le aso na iai i Mase* i le toafa,+
9 Ina ua tofotofo aʻu e o outou augātamā;+Na latou tofotofo iā te aʻu, e ui na latou vāai i aʻu galuega.+
10 Auā na ou ʻinoʻino i lenā tupulaga mo le 40 tausaga, ma na ou faapea ane:
“O i latou o le nuu e masani ona liliuese o latou loto;E latou te leʻi iloa foʻi oʻu ala.”
11 O lea, na ou tautō ai i loʻu ita:
“E latou te lē ulu atu i loʻu mālōlōga.”+
Faamatalaga Pito i Lalo
^ Epe., “i luma o ona fofoga.”
^ Epe., “i lona aao.”
^ Lona uiga “Finauga.”
^ Lona uiga “Tofotofoina.”
