Salamo 93:1-5

  • Le pulega silisili ese a Ieova

    • “Ua fai Ieova ma Tupu!” (1)

    • ‘E maufaatuatuaina au faamanatuga’ (5)

93  Ua fai Ieova ma Tupu!+ Ua ofu o ia i le mamalu;Ua ofu Ieova i le malosi;Ua fusia o ia i le malosi e pei o se fusipa‘u. Ua matuā faatumauina le lalolagi;*E lē maluelue lava.  2  Na matuā faatumauina lou nofoālii talu mai anamuā;+O oe lava e mai i le vavau.+  3  Ieova e, ua taalili mai vaitafe,Ua taalili ma ū vaitafe;Ua taalili ma gogolo pea vaitafe.  4  A o oe Ieova e, o lē e silisili i le lagi,E sili atu lou malosi i lo o leo o vai loloto,+E sili atu lou malosi i lo o le fafati o galu o le sami.+  5  E matuā maufaatuatuaina au faamanatuga.+ Ieova e, e teuteu lou fale i le paia*+ i taimi uma lava.

Faamatalaga Pito i Lalo

^ Po o le “laueleele.”
^ Po o le “e onomea ona paia lou fale.”
O LE TUSI PAIA–O LE FAALILIUGA A LE LALOLAGI FOU (TOE TEUTEUINA I LE 2013)
Salamo 93
Faa-Samoa
Faitau le Tusi Paia i le Initaneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt itu. 40