Salamo 92:1-15
O le salamo. O le pese mo le aso Sapati.
92 E lelei ona faafetai atu iā Ieova+Ma usuina viiga* i lou suafa, le Silisili Ese e,
2 Ia faalauiloa atu lou alofa faamaoni+ i le taeaoMa lou faamaoni i pō,
3 I le meafaifaaili e iai uaua e sefulu ma le napeli,*Ma le leo mālie o le kitara.+
4 Auā ua e faafiafia iā te aʻu Ieova e, ona o au galuega;Ua ou alaga fiafia atu foʻi ona o galuega a ou aao.
5 Ieova e, maʻeu le matuā sili o au galuega!+
Ma‘eu le matuā loloto o ou manatu!+
6 E lē mafai ona iloa e se tagata e leai se mafaufau;E leai foʻi se tagata valea e mafai ona malamalama i lenei mea:+
7 Pe a tupu olaola o ē e amioleaga e pei o vao leaga*Ma fuga mai i latou uma o ē e faia mea sesē,O le i‘uga, o lo latou faaumatiaga e faavavau.+
8 A o oe Ieova e, e faaeaina oe e faavavau.
9 Ioe, Ieova e, ia e silasila i le to‘ilalo o ou fili,Ia silasila i le faafanoina o ou fili;E faataapeapeina o ē uma e faia mea sesē.+
10 Peitaʻi, e te faateleina loʻu malosi* e pei o le povi poʻa;Ou te uu foʻi lo‘u tino i le suāuu fou.+
11 E vaai oʻu mata i le to‘ilalo o o‘u fili;+E faalogo foʻi oʻu taliga i le to‘ilalo o ē e fai mea leaga ua osofa‘ia aʻu.
12 Ae e tupu lauolaola o lē e amiotonu e pei o le laau o le pama,E tupu tele foʻi e pei o le arasi o Lepanona.+
13 Ua totōina i latou i le fale o Ieova;E tupu lauolaola i latou i lotoā o lo tatou Atua.+
14 E ui i le soifua matua,* ae e fua mai pea lava i latou,+E malolosi* pea i latou ma lauolaola,+
15 E latou te ta‘uta‘u atu e amio saʻo Ieova.
O ia o loʻu Papa,+ e lē o iā te ia se amiolētonu.
