Salamo 91:1-16
91 O lē e nofo i le mea lilo o iai Lē e Silisili Ese+E mau o ia i le paolo o Lē e ona le malosi uma lava.+
2 Ou te fai atu iā Ieova: “O oe o loʻu sulufaʻiga ma o loʻu ʻolo malosi,+O loʻu Atua o lē ou te faatuatua i ai.”+
3 Auā e na te laveaʻia oe mai i le mailei a lē e puʻe manulele,Mai i le faamaʻi foʻi e oti ai.
4 O ona apaʻau e na te ufiufia ai oe,*E te sulufaʻi atu fo‘i i lalo o ona apaʻau.+
O lona faamaoni+ e avea ma talipupuni telē+ ma se pā puipui.
5 E te lē fefe i se mea mataʻutia i le pō,+Po o se aū e fana mai i le ao,+
6 Po o se faamaʻi e fealua‘i i le pōuliuli,Po o se faaumatiaga foʻi e faatama‘ia ai i le tutonu o le lā.
7 E paʻuʻū le toʻaafe i lou ituMa le toʻasefulu afe i lou itu taumatau,Ae e lē latalata ane iā te oe.+
8 E na ona vaai i ai o ou mataA o e molimau i le faasalaga* o ē e amioleaga.
9 Auā ua e faapea ane: “O Ieova o loʻu sulufaʻiga,”
Ua e faia Lē e Silisili Ese ma mea e te nofo ai;*+
10 E lē oo se mea leaga iā te oe,+E lē latalata atu foʻi se mala i lou faleʻie.
11 Auā e na te faatonuina ana agelu+ e faatatau iā te oe,E leoleo iā te oe i ou ala uma.+
12 E latou te aveina oe i o latou lima,+Ina neʻi tuʻia lou vae i se maa.+
13 E te solia le tamaʻi leona ma le asipi;E te solia foʻi le leona taanoa ma le gata telē.+
14 Na fetalai mai le Atua: “Ona ua ia alofa mai iā te aʻu,* ou te lavea‘ia ai o ia.+
Ou te puipuia foʻi o ia ona ua ia iloa* loʻu igoa.+
15 E valaau mai o ia iā te aʻu, ona ou tali atu lea iā te ia.+
Ou te faatasi ma ia i le taimi o puapuaga.+
Ou te laveaʻi foʻi iā te ia ma faamamaluina o ia.
16 Ou te faamalieina o ia i le faafualoaina o lona ola,+Ma ou te faavaai o ia i aʻu galuega o le faaolataga.”*+
