Salamo 89:1-52
O le Masekila.* O le salamo a Etano+ le tagata Esera.
89 Ou te pese e uiga i faailoaga o le alofa faamaoni o Ieova e faavavau.
E faalauiloa atu foʻi e loʻu gutu lou faamaoni i tupulaga uma.
2 Auā ua ou faapea ane: “E atiina aʻe* le alofa faamaoni e faavavau,+Ma ua e matuā faatumauina lou faamaoni i le lagi.”
3 “Na ou osia se feagaiga ma lē na ou filifilia;+Na ou tautō i laʻu auauna o Tavita:+
4 ‘Ou te matuā faatumauina lau fanau+ e faavavau,Ma ou te atiina aʻe foʻi lou nofoālii i tupulaga uma.’”+ (Selā)
5 Ieova e, e vivii atu le lagi i au galuega mamana,Ioe, e faapea foʻi lou faamaoni i le faapotopotoga a le ʻaupaia.
6 Auā o ai ea i le lagi e faatusatusa atu iā Ieova?+
O ai foʻi o atalii o le Atua+ e pei o Ieova?
7 E matata‘u i le Atua le faapotopotoga o le ʻaupaia;+E sili ma ofoofogia o ia i ē uma o loo siʻosiʻomia o ia.+
8 Ieova le Atua o ʻau e,Ioa e, o ai ea e malosi e pei o oe?+
O lou faamaoni e si‘osi‘omia ai oe.+
9 Ua e pulea le sousou o le sami;+Pe a siisii i luga ona galu, e te faatoʻafilemuina.+
10 Ua e tuʻimomomoina Raava,+ e pei o sē ua fasiotia.+
Ua e faataapeape foʻi ou fili i lou aao malosi.+
11 O oe e ona le lagi, o oe foʻi e ona le lalolagi;+O le laueleele foʻi ma mea o tumu ai,+ o oe lava na e faavaeina.
12 O oe lava na faia le itu i mātū ma le itu i saute;Ua vivii atu ma le fiafia Tapora+ ma Heremoni+ i lou suafa.
13 O oe e ona le aao malosi;+E malosi foʻi lou aao;+Ua faaeaina foʻi lou aao taumatau.+
14 O le amiotonu ma le faamasinotonu, ua faavae ai lou nofoālii;+Ua i ou luma foʻi le alofa* ma le faamaoni.+
15 E fiafia le nuu ua iloa le alaga fiafia.+
Ieova e, ua latou savavali i le malamalama o ou fofoga.
16 Ua latou fiafia i lou suafa i le aso atoa,Ma ua faaeaina foʻi i latou i lau amiotonu.
17 Auā o oe o lo latou mamalu ma lo latou malosi,+Ona o lou finagalo malie foʻi ua faateleina ai lo matou malosi.*+
18 Auā ua foaʻi mai e Ieova lo matou talita,Ua foaʻi mai foʻi e Lē e Paia o Isaraelu lo matou tupu.+
19 I lea taimi, na e fetalai ai i ou tagata faamaoni i se faaaliga ma faapea ane:
“Ua ou tuu atu le malosi i lē e malosi;+Ua ou faaeaina foʻi lē ua filifilia mai i le nuu.+
20 Ua ou maua Tavita laʻu auauna;+Ua ou faauuina foʻi o ia i laʻu suāuu paia.+
21 E lagolagoina o ia e loʻu lima,+Ma faamalosia o ia e loʻu lima.
22 E lē faamalosia o ia e se fili e avatu se meaalofa,Pe sauāina foʻi o ia e se tagata amiolētonu.+
23 Ou te tu‘ipalaina ona fili i ona luma,+Ou te taia foʻi i latou e feita iā te ia.+
24 Ua faatasi ma ia loʻu faamaoni ma loʻu alofa,*+Ma ua faateleina lona malosi* i loʻu igoa.
25 Ou te tuu atu lona lima* i luga o le samiMa lona lima taumatau i luga o vaitafe.+
26 E valaau mai o ia iā te aʻu, ‘O oe o loʻu Tamā,O loʻu Atua ma o le Papa o loʻu faaolataga.’+
27 Ou te faia fo‘i o ia ma ulumatua,+O lē e sili ona maualuga i tupu o le lalolagi.+
28 Ou te faatumauina loʻu alofa faamaoni iā te ia e faavavau,+E lē muta foʻi laʻu feagaiga ma ia.+
29 Ou te faatumauina lana fanau e faavavau,E faatumauina foʻi lona nofoālii e pei ona tumau o le lagi.+
30 Afai e tuua e lana fanau laʻu tulafonoMa latou lē savavali e tusa ma aʻu poloa‘iga,*
31 Afai latou te solia aʻu tuutuugaMa latou lē tausia aʻu faatonuga,
32 Ona ou faasala lea o lo latou lē usiusita‘i* i se tootoo+Ma sasa i latou ona o a latou mea sesē.
33 Ae ou te lē aveesea lava loʻu alofa faamaoni mai iā te ia,+Pe e lē faamaoni fo‘i i la‘u folafolaga.*
34 Ou te lē solia laʻu feagaiga,+Pe suia foʻi le upu ua alu atu i oʻu laugutu.+
35 E faatasi lava ona ou tautō i loʻu paia;Ou te lē pepelo lava iā Tavita.+
36 E tumau lana fanau e faavavau;+E tumau lona nofoālii e pei o le lā i oʻu luma.+
37 E matuā faatumauina lona nofoālii e faavavau e pei o le masina,O se molimau faamaoni i le lagi.” (Selā)
38 A o oe, ua e lafoaʻia ma teena o ia;+Ua e toʻasā foʻi i lē ua e faauuina.
39 Ua e teena le feagaiga ma lau auauna;Ua e faaleagaina lona palealii e ala i le lafoina i le eleele.
40 Ua e soloia i lalo ona pā maa uma;*Ua e faatafunaina foʻi ona aai malupuipuia.
41 Ua faoa e i latou uma e ui ane i le auala ana mea;Ua fai o ia ma luma i ona tuaoi.+
42 Ua e faia ina ia manumalo ona fili;*+Ua e faafiafia foʻi ona fili uma.
43 Ua e faalēaogāina fo‘i lana pelu,Ma e te leʻi tuuina atu o ia e manumalo i le taua.
44 Ua e faaiʻuina lona mamalu,Ua e lafoina ifo foʻi lona nofoālii i le eleele.
45 Ua e faapuupuuina aso o lona talavou;Ua e faaofu o ia i le māsiasi. (Selā)
46 Ieova e, o le ā ea le umi e te lafi ai? Pe e faavavau ea?+
Pe e faaauau ea ona mumū lou toʻasā e pei o le afi?
47 Ia e manatua le puupuu o loʻu olaga!+
O le ā ea le aogā na e faia ai tagata uma?
48 O ai se tagata ola e lē vaai i le oti?+
Pe e mafai ona ia faasaoina o ia mai i le malosi o le Tuugamau?* (Selā)
49 Ieova e, o fea ea o iai au galuega o le alofa faamaoni i aso ua mavae,Ia na e tautō ai iā Tavita i lou faamaoni?+
50 Ieova e, ia e manatua taufaifaiga i au auauna;Ua ou tauaveina* taufaifaiga a nuu uma;
51 Ieova e, ua taufaifai mai ou fili;Ua latou taufaifai i tulaga aao uma o lē na e faauuina.
52 Tau ina ia viia Ieova e faavavau. Amene ma Amene.+
Faamatalaga Pito i Lalo
^ Tagaʻi i le Uiga o Upu.
^ Po o le “tumau.”
^ Po o le “alofa faamaoni.”
^ Epe., “faamaualugaina ai lo matou nifo.”
^ Po o le “alofa faamaoni.”
^ Epe., “faamaualugaina lona nifo.”
^ Po o “lana pule.”
^ Po o “faamasinoga.”
^ Po o le “fouvale.”
^ Po o “Ou te lē pepelo foʻi i loʻu faamaoni.”
^ Po o “ona fale uma e faia i maa.”
^ Epe., “faaeaina le lima taumatau o ona fili.”
^ Epe., “i le lima o Seoli.” Tagaʻi i le Uiga o Upu.
^ Epe., “tauaveina i loʻu fatafata.”
