Salamo 88:1-18
O le salamo. O le pese a le fanauga a Koru.+ I le faatonu o le ʻaufaimusika o le Maalata,* o le pese fetalia‘i. O le Masekila* a Hemana+ le tagata Esera.
88 Ieova e, le Atua o loʻu faaolataga,+Ou te alaga atu i le ao,Ma o le pō ou te alu atu ai i ou luma.+
2 Ia oo atu i ou luma laʻu tatalo,+Ia liliu mai ou fofoga* i laʻu alaga atu mo se fesoasoani.+
3 Auā ua tumu loʻu ola i mala,+Ma ua latalata ona ou oo* i le Tuugamau.*+
4 Ua faitauina faatasi aʻu ma i latou e ō ifo i le lua;*+Ua avea aʻu o se tagata ua leai se fesoasoani,*+
5 Ua tuua faatasi ma ē ua oti,E pei o ē ua fasiotia o loo taatitia i se tuugamau,O ē ua e lē toe manatuaina,O ē foʻi ua vavaeeseina mai i lau tausiga.*
6 Ua e tuuina aʻu i le lua e pito sili ona maulalo,I mea pogisa, i totonu o se tō telē lava.
7 Ua mamafa lou toʻasā i luga iā te aʻu,+Ma ua e lofia aʻu i ou galu fafati uma. (Selā)
8 Ua e ave mamao ese mai iā te aʻu o ē ou te masani ai;+Ua e faia aʻu o se mea inosia iā i latou.
Ua saisaitia aʻu ma ua lē mafai ona ou sola ese.
9 Ua vaivai oʻu mata ona o loʻu puapuaga.+
Ieova e, ua ou valaau atu iā te oe i le aso atoa;+Ua faaloaloa atu foʻi oʻu lima iā te oe.
10 Pe e te faia ea ni mea ofoofogia mo ē ua feoti?
Pe e mafai ea ona tutū aʻe i latou ua feoti e vivii atu iā te oe?+ (Selā)
11 Pe e folafola atu ea lou alofa faamaoni i le tuugamau,Ma lou faamaoni i le nofoaga o le faaumatiaga?*
12 Pe e iloa ea mea ofoofogia na e faia i le pōuliuli,Po o lau amiotonu i le nuu o ē ua faagaloina?+
13 A o a‘u Ieova e, ou te alaga atu pea iā te oe mo se fesoasoani,+E oo atu iā te oe laʻu tatalo i taeao ta‘itasi.+
14 Ieova e, aiseā ea ua e teena ai aʻu?+
Aiseā ua e natia ai ou fofoga mai iā te aʻu?+
15 Talu mai lo‘u talavou,Na ou puapuagatia ai ma toeitiiti lava a ou oti;+Ua e faataga a‘u ou te mafatia i mea mata‘utia, se‘ia oo lava ina ou matuā vaivai.
16 Ua lofitūina aʻu i le aasa o lou toʻasā;+Ua faaumatia foʻi aʻu i au mea mataʻutia.
17 Ua latou siʻosiʻomia aʻu i le aso atoa e pei o vai;Ua latou faasagatau iā te aʻu mai i itu uma.*
18 Ua e ave mamao ese mai iā te aʻu o a‘u uō ma a‘u aumea;+Ua avea le pogisa ma a‘u aumea.
Faamatalaga Pito i Lalo
^ Tagaʻi i le Uiga o Upu.
^ Tagaʻi i le Uiga o Upu.
^ Po o le “Ia punou ifo ma faafofoga mai.”
^ Epe., “loʻu ola.”
^ Po o “Seoli.” Tagaʻi i le Uiga o Upu.
^ Po o le “leai se malosi.”
^ Po o le “tuugamau.”
^ Epe., “lou aao.”
^ Po o “i Avatonu.”
^ Pe atonu “i le taimi e tasi.”
